گوجرخان :کلرسیداں میں غیرت کے نام پر 2 خواتین سمیت3 افراد قتل ایک زخمی

crime

گوجرخان باغی ٹی وی (نامہ نگار شیخ ساجد قیوم ) منگل کے روز کلرسیداں میں قتل کے دو واقعات کی ابتدائی تحقیقات میں اہم پیش رفت،
ابتدائی تحقیقات کے مطابق قتل کے دونوں واقعات غیرت کے نام پر ہوئے،مقتولہ ثوبیہ نے چند روز قبل یاسر سے طلاق لی تھی،مقتولہ ثوبیہ کو اسکے بھائی عثمان نے فائرنگ کر کے قتل کیا ،دوسرے واقعہ میں ثوبیہ کے سابقہ شوہر یاسر نے ساتھیوں کے ساتھ مل کر چھریوں کے وار سے رخسانہ اور اسکے بیٹے صغیر کو قتل جبکہ شوہر شبیر کو زخمی کیا،یاسر کو شک تھا کہ اسکی سابقہ اہلیہ ثوبیہ کے مقتولہ رخسانہ کے بیٹے ادریس سے مراسم تھے

ایس پی صدر پولیس نفری کے ہمراہ موقع پرپہنچ گئے، ایس ڈی پی او کہوٹہ کی زیر نگرانی ٹیمیں تشکیل دے کر ملزمان کی گرفتاری کے لئے روانہ کی گئی ہیں،سی پی او سید خالد ہمدانی نے کہا کہ ملزمان کی گرفتاری کے لئے تمام تر وسائل بروئے کار لائے جا رہے ہیں، دونوں واقعات کے ملزمان کو جلد گرفتار کر کے قانون کے کٹہرے میں کھڑا کیا جائے گا-

Leave a reply