کمالیہ ، ڈپٹی کمشنر نے سستے رمضان بازار کا دورہ کیا ، اہم ہدایات جاری کر دیں

ڈپٹی کمشنر ٹوبہ ٹیک سنگھ عمر جاوید نے اسسٹنٹ کمشنر رانا غلام مصطفیٰ کے ہمراہ سستارمضان بازار کمالیہ کا وزٹ کیا. اس موقع پر ڈی ڈی ڈویلپمنٹ احمد جواد و چیف آفیسر میونسپل کمیٹی چوہدری شہریار وڑایچ بھی ان کے ہمراہ موجود تھے.
ڈپٹی کمشنر عمر جاوید نے رمضان بازار میں مختلف اسٹال پر اشیاء خوورد نوش کامعائینہ کیا اس کے علاوہ آٹے و چینی کے بیگ کا وزن چیک کیا. اس موقع پر صحافیوں سے گفتگو کرتے ہوئے ڈپٹی کمشنر عمر جاوید نے کہا حکومت کی جانب سے لگائے گئے سستے رمضان بازار میں قیمتوں اورمعیار کو مدنظر رکھتے ہوئے اشیاء ضروریہ فراہم کی جارہی ہیں.

انہوں نے مزید کہا کہ صفائی ستھرائی سمیت سیکورٹی کے بہترین انتظامات کیے گئے. قیمتوں میں استحکام کے لئے عملی اقدامات کرتے ہوئے سبزی منڈی سمیت ضلع بھر کے بازار میں خود چیک کر رہا ہوں اور اس سلسلہ میں اسسٹنٹ کمشنر ز و دیگر عملہ بھی تعینات ہے.