fbpx

کنگنا رناوت کو اکشے کمار سمیت بالی ووڈ کے کئی بڑے ستاروں نے خفیہ فون کالز کیوں کیں؟

بالی ووڈ اداکارہ کنگنا رناوت نے دعویٰ کیا ہے مجھے اکشے کمار سمیت کئی دیگر اداکاروں کے خفیہ فون آئے ہیں –

باغی ٹی وی : بھارتی میڈیا رپورٹس کے مطابق سماجی رابطے کی ویب سائٹ پر جاری بیان میں کنگنا رناوت نے اکشے کمار سمیت بالی ووڈ کے کئی بڑے ستاروں کے خفیہ فون آنے کا انکشاف کیا۔

انہوں نے ساتھ ہی کہا کہ یہ سب بڑے بڑے اسٹار اداکار میری تعریف کھل کر عوامی سطح پر نہیں کرسکتے کیوںکہ انہیں فلم مافیا کا خوف لاحق ہے۔

بالی ووڈ اداکارہ نے مزید کہا کہ مجھے تھلاوی میں عمدہ پرفارمنس پر ہر طرف سے تعریفی کلمات سننے کو مل رہے، کئی بڑے اسٹاروں نے خفیہ کالیں کی اور پیغامات بھی بھجوائے ہیں۔

انہوں نے اپنے پیغام میں اکشے کمار کا تذکرہ خاص طور پر کیا، لیکن اس کے ساتھ ساتھ اس راز سے پردہ اٹھادیا کہ یہ لوگ مجھے خفیہ کال یا پیغام کیوں بھجوارہے ہیں۔

کنگنا رناوت نے کہا کہ میری تعریف کیے جانے پر کچھ لوگ پریشانی میں مبتلا ہوسکتے ہیں اس لیے میرے کام کو خفیہ کالز اور پیغامات کے ذریعے سراہا جارہا ہے۔

واضح رہے کہ بالی ووڈ کی متنازع اداکارہ کنگنا رناوت اپنے متنازع بیانات اور بے باکی کی وجہ سے جانی جاتی ہیں اور خود ہی تنقید کا نشانہ بن جاتی ہیں جبکہ اپنی انہیں حرکتوں سے انہیں مختلف مقدمات کا بھی سامنا رہتا ہے-

جواب چھوڑیں

آپ کا ای میل ایڈریس شائع نہیں کیا جائے گا.