کنگنا رناوت نے مودی سرکار پر بڑا الزام عائد کر دیا

بالی وڈ متنازع کوئین کنگنا رناوت نے اپنے آئیڈیلز سے خود کا موازنہ کرتے ہوئے کہا ہے کہ وہ جلد ہی جیل جانے کا ‘انتظار’ کررہی ہیں۔

باغی ٹی وی : بھارتی خبر رساں ادارے ہندوستان ٹائمز کی رپورٹ کے مطابق بالی وڈ کنگنا رناوت کے خلاف ممبئی کی ایک عدالت میں "نفرت پھیلانے” کے الزام میں شکایت درج کرنے کے بعد ، اداکارہ نے کہا ہے کہ وہ اپنے آئیڈیلز کی طرح "جلد ہی جیل میں جانے انتظار کر رہی ہے”۔

اداکارہ ، جو متعدد تنازعات میں گھری ہوئی ہیں ، اپنے خلاف دائر شکایت پر گزشتہ روز ٹوئٹر پر رد عمل دیتے ہوئے مودی سرکار پر الزام عائد کیا کہ مودی سرکار مجھے جیل بھیجنے کی تیاری کر رہی ہے-

انہوں نے ٹوئٹر پر اپنے ٹوئٹ میں لکھا کہ میں سوارکا، نیٹا باس اور جھانسی کی رانی جیسے لوگوں کی پیروی کرتی ہوں آج حکومت مجھے جیل میں ڈالنے کی کوشش کر رہی ہےٕ اور یہ بات مجھے مزید پر اعتماد بنا رہی ہے حتٰی کہ میں خود کو بہت جلد جیل میں دیکھنا بھی چاہتی ہوں تاکہ اُن تمام پریشانیوں سے گزر سکوں جن سے میرے آئیڈیل گزر چکے ہیں اور یہ یہی تمام عمل میری زندگی کو ایک مطلب دیں گے۔

اداکارہ کنگنا رناوت نے اپنے ایک ٹوئٹ میں مسٹر پرفیکشنسٹ عامر خان کو مخاطب کرتے ہوئے اداکار کے ایک بیان پر شدید تنقید کی اداکارہ نے لکھا کہ سوارکا، نیٹا باس اور جھانسی کی رانی جیسے لوگوں کی پیروی کرتی ہوں، جیسا تاریخ میں رانی لکشمی بائی کا قلعہ توڑا گیا تھا اسی طرح میرا گھر بھی توڑا گیا، جیسے سوارکا کو ظالم حکومت کے خلاف بغاوت کرنے پر جیل بھیجا گیا ٹھیک اسی طرح مجھے بھی جیل بھیجنے کی تیاری کی جارہی ہے، میں یہ کہنا چاہتی ہوں کہ کوئی عدم برداشت کے گینگ سے جا کر پوچھے کہ اس عدم برداشت کے ملک میں آج تک انہوں نے کتنے ظلم سہے ہیں؟۔

عامر خان نے اپنے بیان میں کہا تھا کہ ملک میں بڑھتی عدم برداشت نے انہیں خوفزدہ کردیا ہے حتٰی کہ اکثر ان کی اہلیہ بھی ملک چھوڑنے کا مشورہ دیتی رہتی ہیں کیوں کہ انہیں ہر وقت بچوں کی جان کا خطرہ لاحق رہتا ہے۔

کنگنا رناوت نے عامر خان کے اس بیان پر ان کی اہلیہ کو اڑے ہاتھوں لیتے ہوئے کہا کہ موم بتی کے ساتھ احتجاج کرنے والے گینگ دیکھو کہ فاشسٹ لوگوں کے خلاف آواز اُٹھانے والوں کے ساتھ کیا ہوتا ہے لیکن میں آپ لوگوں کی طرح موم بتی ہاتھ میں لیکر احتجاج کرنے والی نہیں ہوں، مجھے دیکھیں میں مہاراشٹرا کی فاشسٹ حکومت کے ساتھ لڑ رہی ہوں۔

واضح رہے کہ علی کاشف نامی ممبی کے وکیل نے کنگنا رناوت کے خلاف ٹوئٹر پر عدلیہ کے خلاف متنازع بیان بازی پر مقدمہ درج کرنے کی درخواست دی تھی جس پر مقامی عدالت نے فوری سماعت کرتے ہوئے اداکارہ کے خلاف مقدمہ درج کرنے کا حکم دے دیا ہے

خیال رہے کہ اس سے قبل ایک اور شکایت پر باندرا میٹرو پولیٹن مجسٹریٹ کے حکم پر ان کے خلاف مقدمہ درج ہونے کے بعد پولیس نے اگلے ہفتے کنگنا اور اس کی بہن رنگولی چنڈیل کو پوچھ گچھ کے لئے پہلے ہی طلب کرلیا ہے۔

کنگنا رناوت کو ریپ کی دھمکیاں

کنگنا رناوت کے خلاف کسانوں کی توہین کرنے پر مقدمہ درج

کنگنا رناوت کے خلاف مذہبی فسادات کرانے کے الزام میں مقدمہ درج