کنگنا رناوت نے تاپسی پنوں کو بی گریڈ اداکارہ قرار دیا
بالی وڈ اداکارہ کنگنا رناوت نے اداکارہ تاپسی پنوں کو بی گریڈ اداکارہ قرار دیا-
باغی ٹی وی : بھارت میں اس وقت کسانوں کا احتجاج جاری ہے بھارتی حکومت کسانوں کی آواز کو دبانے کے لیے تشدد تک سے گریز نہیں کررہی اور متنازع زرعی قوانین کے خلاف کسانوں کا مسئلہ اب بین الاقوامی مسئلہ بن چکا ہے اور کئی عالمی شہرت یافتہ شخصیات اس مسئلے پر اپنی آواز بُلند کر رہی ہیں جبکہ امریکی گلوکارہ ریحانہ کی بھارتی کسانوں کے حق میں ٹوئٹ نے بھارت کو دو حصوں میں تقسیم کردیا ہے۔
وہ تمام لوگ جو کسانوں کے ساتھ ہیں ریحانہ کے ٹوئٹ کو سراہ رہے ہیں جب کہ کنگنا رناوت سمیت متعدد بالی وڈ اداکارگلوکارہ ریحانہ کے ٹوئٹ سے بالکل بھی خوش نہیں ہیں۔
If one tweet rattles your unity, one joke rattles your faith or one show rattles your religious belief then it’s you who has to work on strengthening your value system not become ‘propaganda teacher’ for others.
— taapsee pannu (@taapsee) February 4, 2021
ریحانہ کے ٹوئٹ پر ردعمل دیتے ہوئے اداکارہ تاپسی پنوں نے ٹوئٹ کیا اگر ایک ٹوئٹ آپ کے اتحاد کو جھنجھوڑ دیتا ہے اگر ایک مذاق آپ کے یقین کو جھنجھوڑ دیتا ہے اور اگر ایک شو آپ کے مذہبی عقیدے کو جھنجھوڑ دیتا ہے تو وہ آپ ہیں جسے اپنے اقدار کو مضبوط کرنے کی ضرورت ہے دوسروں کے لیے ’پیروپیگنڈہ ٹیچر‘ نہ بنیں۔
B grade logon ki B grade thinking, one should stand up for one’s faith motherland and family, yehi Karm hai yehi Dharm bhi hai …. free fund ka sirf khane wale mat bano… iss desh ka bojh… that’s why I call them B grade … ignore them free loaders …
— Kangana Ranaut (@KanganaTeam) February 4, 2021
تاپسی پنوں کے اس ٹوئٹ پر کنگنا رناوت نے ردعمل دیتے ہوئے انہیں بی گریڈ اداکارہ قرار دیتے ہوئے کہا بی گریڈ لوگوں کی بی گریڈ سوچ۔ آپ کو اپنے ملک کے لیے کھڑا ہونا چاہئے کیونکہ یہی کرم ہے یہی دھرم ہے (کیونکہ یہی ہمارا فرض ہے)۔
کنگنا نے کہا کہ صرف فری فنڈ کا کھانے والے مت بنو، اس ملک کا بوجھ۔۔ اسی لیے میں ان لوگوں کو بی گریڈ کہتی ہوں۔ ان مفت کا کھانے والوں کو نظرانداز کریں۔
واضح رہے کہ بھارت میں زرعی اصلاحات کے معاملے پر کسانوں کا احتجاج 5 ماہ سے جاری ہے اور ہزاروں کسانوں نے بھارتی دارالحکومت نئی دہلی کے مختلف علاقوں میں دھرنے دے رکھے ہیں جب کہ 26 جنوری کے روز کسانوں اور پولیس کے درمیان شدید تصادم بھی ہوا تھا، کسانوں کا دعویٰ ہے کہ 26 جنوری سے اب تک 100 سے زیادہ مظاہرین لاپتہ ہیں۔
کسانوں کے احتجاج نے اب بین الاقوامی توجہ حاصل کرلی ہے اور ان کے حق میں امریکی گلوکارہ ریحانہ اور اداکارہ میا خلیفہ سمیت دیگر نامور شخصیات بھی آواز اٹھارہی ہیں جس کے باعث مودی حکومت کی بدنامی میں اضافہ ہورہا ہے-