fbpx

کنول آفتاب اور ذوالقرنین نے رخصتی سے قبل جلد نکاح کی وجہ بتا دی

پاکستان کی ٹک ٹاکر و میزبان کنول آفتاب اور ٹک ٹاکر ذوالقرنین نے رخصتی سے قبل جلد نکاح کی وجہ بتا دی۔

باغی ٹی وی : کنول آفتاب اور ذوالقرنین گزشتہ دنوں نکاح کے مبارک بندھن میں بندھ گئے تھے، طویل عرصے سے ایک ساتھ قریبی دوستی میں رہنے والی اس جوڑی کے نکاح کی خبر نے سب کو خوشگوار بھری حیرت میں مبتلا کر دیا تھا-

ٹک ٹاکر جوڑی کے نکاح کی رسومات کی تصویریں اور ویڈیوز سوشل میڈیا پر خوب وائرل ہوئی تھیں جنہیں دونوں کے مداحوں کی جانب سے خوب پسند کیا گیا تھا۔

حال ہی میں کنول آفتاب اور ذوالقرنین نے ایک نجی چینل کی رمضان ٹرانسمیشن میں بطور مہمان شرکت کی تھی جس میں دونوں نے اپنے نکاح سے متعلق بات کی۔

کنول آفتاب اور ذوالقرنین کا رخصتی سے قبل نکاح کرنے کے راز سے پردہ اٹھاتے ہوئے کہنا تھا کہ سب کا یہ ماننا تھا کہ جیسے دوسرے جوڑے ایک ساتھ ایک رشتے میں رہتے ہیں اور پھر ایک دوسرے کا ساتھ چھوڑ دیتے ہیں ایسے ہی سب ہم سے متعلق بھی بات کیا کرتے تھے کہ ہم بھی ایک دن ایک دوسرے کو چھوڑ دیں گے اور شادی نہیں کریں گے۔

اس دوران ذوالقرنین کا کہنا تھا کہ ہر کوئی ایک جیسا نہیں ہوتا، جب لوگوں کی وہ ایسی باتیں سنتے تھے تو اُنہیں اچھا نہیں لگتا تھا ہم اس رشتے کو ایک اچھے طریقے سے لے کر چلنا چاہتے تھے تو کچھ لوگ ہمارے جیسے بھی ہوتے ہیں جو ایک رشتے کو باقاعدہ نام دیتے ہیں اور شادی کرتے ہیں۔

ذوالقرنین کا کہنا تھا کہ ہم نے نکاح کر کے اس بات کا ثبوت دیا ہے کہ زندگی میں ہم ایک دوسرے کے ساتھ چلنا چاہتے ہیں۔

پاکستانی ٹک ٹاکر اور میزبان کنول آفتاب کی شادی ٹویٹر پر ٹاپ ٹرینڈ

ٹک ٹاک اسٹارز کنول آفتاب اور ذوالقرنین سکندر کی شادی کی تقریبات کا آغاز

ٹاک ٹاک اسٹارز کنول آفتاب اور ذوالقرنین کے نکاح کی خوبصورت ویڈیو

جواب چھوڑیں

آپ کا ای میل ایڈریس شائع نہیں کیا جائے گا.