fbpx

کنور عمران سعید نے حکومتی اقدام کی تعریف کر دی

شیخوپورہ (نمائندہ باغی ٹی وی سے) پاکستان تحریک انصاف ضلع شیخوپورہ کے صدر چوہدری کنور عمران سعید خان ایڈووکیٹ نے کہا ہے کہ پنجاب کی طرح شیخوپورہ میں بھی افسروں کی اکھاڑ پچھاڑ سے ثابت ہوگیا ہے کہ موجودہ حکومت نے ہرسطح پر کرپشن کو ختم کرنے کا تہیہ کیا ہوا ہے اور کمیشن اور کرپشن مافیا کا احتساب اب لازمی ہوگا انہوں نے یہاں میڈیا کے نمائندوں سے گفتگو کرتے ہوئے کہا کہ وزیراعلیٰ پنجاب عثمان بزدار اور گورنر پنجاب چوہدری محمد سرور چاہتے ہیں کہ تیزی کے ساتھ پنجاب میں تحریک انصاف کے منشور پر عملدرآمد ہو مگر بعض کرپٹ افسران اپنا ذاتی مفاد اور طمع نفسانی کی خاطر اس کی راہ میں روڑے اٹکاتے تھے اب عوام بہت زیادہ ریلیف محسوس کریں گے اور انہیں سرکاری دفاتر کے علاوہ بلدیاتی اداروں میں بھی تبدیلی محسوس ہوگی انہوں نے کہا کہ تحریک انصاف کی حکومت تمام اداروں کی طرح سرکاری مشینری کو بھی آزادی کے ساتھ کام کرنے کا موقع دینے کی خواہشمند ہے مگر کرپٹ افسروں کے ساتھ کوئی رعایت نہیں برتی جائے گی انہیں اب اپنا قبلہ درست کرنا پڑے گا ضلع شیخوپورہ میں افسروں کی نئی ٹیم کی آمد سے توقع کی جاسکتی ہے کہ یہاں عوامی مسائل جلد حل ہوں گے اور سرکاری مشینری کے متعلق عوامی شکایات ختم ہو جائیں گی انہوں نے بتایاکہ مستحق اور بیمار افراد کو ہیلتھ کارڈ تقسیم کرنے کی غرض سے سروے کیا جا رہا ہے اور گذشتہ دس برس کے دوران ہونے والے ترقیاتی کاموں کی بھی فزیکل چیکنگ کروائی جائے گی

جواب چھوڑیں

آپ کا ای میل ایڈریس شائع نہیں کیا جائے گا.