بھارتی شو ’دی کپل شرما شو‘ کی جلد ہی نئے انداز کے ساتھ اسکرین پر واپسی

0
28

کورونا وائرس کے باعث مالی مشکلات کا شکار ہونے پر بند کیا جانے والا معروف بھارتی شو ’دی کپل شرما شو‘ کا مئی سے نئے انداز میں دوبارہ آغاز کیا جارہا ہے۔

باغی ٹی وی : بھارتی میڈیا رپورٹس کے مطابق مئی سے کپل شرما نئے انداز سے اپنے شو میں واپسی آنے والے ہیں تاہم مئی کے مہینے میں کونسی تاریخ میں آغاز کیا جائے ان حتمی تاریخوں کے حوالے سے کچھ کہنا قبل از وقت ہوگا۔

کپل شرما شو کاحصہ رہنے والے کامیڈین کرشنا ابھیشک کا کہنا ہے کہ اس مرتبہ نئے انداز سے نئے سیٹ پر شو کیا جائے گا۔

انہوں نے کہا کہ شو میں اس مرتبہ متعدد نئی چیزیں شامل کی جائیں گی اور شو میں نئے لوگ بھی شامل کیے جانے کا امکان ہے جس کا جلد اعلان کیا جائے گا۔

یاد رہے کہ جنوری میں بھارت میں عالمی وبا کورونا وائرس کے باعث لگے لاک ڈاؤن کی وجہ سے’کپل شرما شو‘ بھی مالی مشکلات کا شکار ہوا اور شو انتظامیہ نے فیصلہ کیا کہ فروری سے اس شو کو بند کردیا جائے-

کپل شرما شو کو پاکستان میں بھی بے حد پسند کیا جاتا ہے شو کی ابتدا میں پاکستانی فنکار نسیم وکی بھی اس کا حصہ تھے جبکہ شو میں پاکستان سے اب تک وسیم اکرم بمعہ اہلیہ شنیرا اکرم، شعیب اختر، راحت فتح علی خان، فواد خان اور شعیب ملک ، مومل شیخ سمیت دیگر شخصیات شرکت کرچکی ہیں۔

Leave a reply