کراچی ایئرپورٹ پر موبائل کیمرے کے ذریعے فوٹو گرافی پر پابندی عائد

کراچی ایئرپورٹ پر موبائل کیمرے کے ذریعے فوٹو گرافی اور ویڈیو بنانے پر پابندی عائد کردی گئی ہے۔

تفصیلات کے مطابق کراچی ائیرپورٹ کے جوائنٹ ڈائرکٹر ویجلنس نے تمام ملکی اور غیر ملکی ائر لائنز سمیت اداروں اور ائر لائن آپریٹرز کو مراسلہ ارسال کر دیا ہے۔

جاری کردہ مراسلے میں ایئر پورٹ لاونجز اور ایپرن پر ویڈیو بنانے کو سیکورٹی رسک قرار دے دیا گیا ہے۔

جاری کردہ مراسلے کے مطابق ہدایات کی خلاف ورزی پر متعلقہ ملازمین و اہلکاروں کے موبائل فونز اور ایئر پورٹ انٹری کارڈ ضبط کیے جائیں گے۔

واضح رہے کہ کراچی ائیرپورٹ رن وے پر کتوں کی ویڈیو سامنے آنے کے بعد سی اے اے انتظامیہ نے موبائل فون سے ویڈیو بنانے پر پابندی عائد کی ہے۔