جدہ سے کراچی پہنچنے والی نجی ائیرلائن کے 2 مسافروں میں منکی پاکس کی علامات ظاہر ہوئی ہیں۔

باغی ٹی وی : ذرائع وفاقی وزارت صحت کے مطابق اسکریننگ کے دوران جدہ سے کراچی پہنچنے والے ٹھٹھہ کی رہائشی خاتون مسافر اور اس کے والد کو منکی پاکس کی علامات تھیں، دونوں مشتبہ مسافروں کو قرنطینہ کر دیا گیا ہے جناح ائیرپورٹ پر ابتدائی کارروائی کے بعد دونوں مسافروں کو جناح اسپتال منتقل کیا گیا ہے۔

کراچی میں منکی پاکس کے پہلے کیس کی تصدیق

قبل ازیں گزشتہ روز سعودی عرب سے ہی آنے والی ایک کمسن لڑکی اور ایک نوجوان کو منکی پاکس کا مشتبہ مریض قرار دیا گیا تھابیرون ملک سے پرواز نمبر ایس وی 700 کے ذریعےجدہ سے کراچی آنے والی 9 سالہ راحیلہ منصوب کو منکی پاکس کی مشتبہ مریض قرار دیا گیا ہے جبکہ اسی پرواز سے کراچی پہنچنے والے عفان محمد نامی 16 سالہ نوجوان کے بھی منکی پاکس سے متاثرہ ہونے کا شبہ ظاہر کیا گیا ہے۔

منکی پاکس کے بعد کانگو وائرس، پاکستان میں ایک موت

دریں اثنا کراچی میں سعودی عرب سے آنے والے مسافر میں منکی پاکس وائرس کے پہلے کیس کی تصدیق ہوئی تھی ، جدہ سے کراچی آنے والے مسافر کو منکی پاکس کی علامات کے سبب قرنطینہ کرکے خون کے نمونے لیب ٹیسٹ کے لئے بھیج گئے مسافر کو 7 دن سے بخار ہے اور اس کے جسم پر سُرخ دھبے، دانے نمودار ہو ئے تھے-

منڈی بہاوالدین میں منکی پاکس کیس رپورٹ

ڈاؤ یونیورسٹی میں 4 افراد کے منکی پاکس سے متعلق ٹیسٹ کیے گئے جن میں سے تین افراد میں منکی پاکس کے شواہد نہیں ملے البتہ سعودی عرب سے آنے والے مسافر میں منکی پاکس کی تصدیق ہوئی ہے جسے علاج کیلئے جناح اسپتال میں داخل کردیا گیا ہے۔

پاکستان میں منکی پاکس کے دو مریض صحتیاب،دو مشتبہ کیس رپورٹ