کراچی:بم دھماکا:متعدد افرادزخمی،سیکورٹی اداروں نےعلاقےکوگھیرلیا

کراچی: کراچی:بم دھماکا:متعدد افرادزخمی،سیکورٹی اداروں نےعلاقےکوگھیرلیا،اطلاعات کے مطابق شیریں جناح کالونی میں بم دھماکے سے متعدد افراد زخمی ہوگئے۔

کراچی سے پولیس ذرائع کے مطابق شیریں جناح کالونی میں 20 نمبر بس کے آخری اسٹاپ کے قریب دھماکا ہوگیا، جس کے نتیجے میں متعدد افراد زخمی ہوگئے۔ زخمیوں کو فوری طور پر قریبی اسپتال منتقل کردیا گیا ہے۔ایس ایس پی کراچی جنوبی شیراز نذیر کا کہنا ہے کہ دھماکا خیزموادسائیکل میں نصب کیا گیا تھا۔

واضح رہے کہ اس سے قبل یہ خبر آئی تھی کہ واقعہ سیلنڈر پھٹنے کے نتیجے میں پیش آیا ہے۔ بارودی مواد کے ساتھ بال بیرنگ کا استعمال کیا گیا ہے تاکہ زیادہ سے زیادہ جانی و مالی نقصان ہوسکے۔ بم ڈسپوزل اسکواڈ نے جائے وقوعہ سے شواہد اکٹھا کرلئے ہیں۔