کراچی بارشیں، شہر کو نئے نظام کی ضرورت، آرمی چیف اپنا کردار ادا کریں، مصطفیٰ کمال

پاک سرزمین پارٹی کے سید مصطفیٰ کمال کی جانب سے بارشوںپ کی تباہی کے بعد کراچی کو آفت زدہ علاقہ قرار دینے کا مطالبہ کیا گیا ہے، بارشوں کی تباہی بربادی سے شہر کا موجودہ نظام ناکارہ ثابت ہو چکا ہے،

باغی ٹی وی کی رپورٹ‌ کے مطابق سید مصطفی کمال نے کہاکہ شہر کو نئے نظام کی ضرورت ہے، حکمرانوں سے امید نہیں، آرمی چیف جنرل قمر جاوید باجوہ اپنا کردار ادا کریں، کراچی کی تباہی کا پاکستان کو ناقابلِ تلافی نقصان ہو رہا ہے، اداروں کی مجرمانہ غفلت کی وجہ سے درجنوں لوگ لقمہ اجل بن گئے، مہاجر نام پر شہر کے ٹھیکیداروں کی وجہ سے مہاجر بچے مرتے رہے اور فوٹو سیشن چلتا رہا،

انہوں نے کہاکہ عید الاضحی کے لیے عقیدت سے خریدے گئے سینکڑوں جانور مر گئے، بارش کے ہوتے ہی شہر بھر میں بجلی غائب ہو گئی، کے الیکٹرک کو کوئی پوچھنے والا نہیں ہے، کے الیکٹرک اہلیان کراچی کے لیے موت کا فرشتہ بنی ہوئی ہے۔، چیف جسٹس آف پاکستان جسٹس آصف سعید کھوسہ بے گناہ شہریوں کی اموات کا نوٹس لیں، کراچی بھر میں مختلف نالے ابل گئے جن سے پانی نکل کر لوگوں کے گھروں میں داخل ہو گیا۔وفاقی، صوبائی اور شہری حکومتیں بارشوں میں صفائی مہم کیلئے جاگی ہیں، سندھ میں 10 سال سے پی پی پی کی حکومت ہے جس نے سندھ کو تباہ کر کے رکھ دیا ہے، یہ ظلم کا نظام ہے، کفر کی حکومت چل سکتی ہے ظلم کی نہیں۔

انہوں نے کہاکہ عوام پر مسلط حکمرانوں کے مظالم کا نوٹس نہ لیا گیا تو عوام کا سمندر ان حکمرانوں کو انکے محلوں سمیت بہا لے جائے گا۔

جواب چھوڑیں

آپ کا ای میل ایڈریس شائع نہیں کیا جائے گا.