شہر قائد کراچی کے علاقے سائٹ ایریا کی فیکٹری میں زکوٰۃ کی تقسیم کے دوران بھگڈر سے ہلاکتوں کے کیس میں فیکٹری مالک عبد الخالق سمیت دیگر ملزمان کی درخواست ضمانت کی سماعت ہوئی
دوران سماعت وکیل ملزم نے عدالت میں کہا کہ ہرسال کی طرح ملازمین کے اہل خانہ کو رقم دی جا رہی تھی اس سال رقم کی تقسیم کے دوران لوگوں نے دھاوا بولا واقعہ حادثاتی ہے میرے موکل کا اس میں کوئی قصور نہیں بھگدڑ کے وقت فیکٹری مالک موقع پر نہیں تھے،سرکاری وکیل نے کہا کہ ملزمان نے پولیس اورسول انتظامیہ کو آگاہ نہیں کیا تھا ملزمان کی لاپرواہی سے واقعہ رونما ہوا ،
عدالت نے ریمارکس دیتے ہوئے کہا کہ مقدمے کے ابتدائی مرحلے پر ضمانت نہیں دی جا سکتی چالان کے بعد ملزمان کے کردارپر ضمانت کا فیصلہ کیا جا سکتا ہے ،عدالت نے تمام ملزمان کی درخواست ضمانت خارج کردی
واضح رہے کہ زکوۃ کی مد میں رقم تقسیم کے دوران بھگدڑ مچنے سے 8 خواتین و 3 بچے ہلاک جبکہ 9 خواتین زخمی ہو گئے تھے , صوبائی وزیر اطلاعات شرجیل انعام میمن کا کہنا ہے کہ افسوسناک واقعہ کی تحقیقات کا آغاز کردیا گیا ہے، جاں بحق افراد کے لواحقین کے لئے 5 لاکھ اور زخمیوں کو ایک لاکھ روپے کی امداد دی جائے گی،بھگدڑ مچنے سے بچوں اور عورتوں کی قیمتی جانیں ضائع ہوئی ہیں فیکٹری انتظامیہ نے پولیس اور ضلعی انتظامیہ کو راشن کی تقسیم سے متعلق نہ ہی کوئی اطلاع دی اور نہ ہی اجازت لی رمضان المبارک کے بابرکت مہینے میں ہر کوئی نیکی کا کام کرنا چاہتا ہے انہوں نے مخیر حضرات اور غیر سرکاری تنظیموں سے اپیل کی ہے کہ نیکی کا کام کرتے وقت ضلعی انتظامیہ اور پولیس کو اطلاع دیں تاکہ انہیں مناسب سکیورٹی فراہم کی جا سکے
انتخابات ملتوی کرنے کے خلاف درخواست پر سماعت کیلئے دوبارہ بینچ تشکیل
چیف جسٹس کی سربراہی میں بینچ کا بار بار ٹوٹنا سوالیہ نشان ہے،
