کراچی کی پہلی الیکٹرک سے چلنے والی بس

کراچی کی پہلی الیکٹرک سے چلنے والی بس

کراچی میں پیپلز بس سروس پروگرام کے نام سے پاکستان کے شہر کراچی سے پہلی الیکٹرک بس سروس کا آغاز کیا گیا جبکہ گزشتہ دنوں حکومتِ سندھ نے کراچی ایئرپورٹ سے سی ویو تک الیکٹرک بس سروس کے پہلے روٹ کا افتتاح کیا تھا ذرائع ابلاغ کے مطابق وزیر اطلاعات و ٹرانسپورٹ سندھ شرجیل انعام میمن نے وزیر بلدیات سید ناصر حسین شاہ اور وزیر محنت سعید غنی کے ہمراہ گزشتہ 13 جنوری کو بس سروس کا افتتاح کیا تھا علاوہ ازیں انہوں نے سروس میں سہولیات کا جائزہ لیا اور بس میں سفر بھی کیا تھا.

جبکہ میڈیا نمائندگان سے بات کرتے ہوئے شرجیل انعام میمن نے کہا تھا کہ یہ پاکستان کی پہلی الیکٹرک بس سروس ہے جو آج کراچی میں شروع کی جا رہی ہے، یہ ماحول دوست بسیں ہیں جو بجلی سے چلیں گی. ان کا مزید کہنا تھا کہ سی ویو، کلفٹن سے ایئرپورٹ جانے والے مسافروں کے لیے کوئی بس سروس نہیں تھی اور انہیں پرائیویٹ گاڑیاں یا کیب استعمال کرنا پڑتی تھیں جن کا کرایہ تقریباً 1500 روپے ہوتا تھا لیکن الیکڑک بس سروس سے مسافر اب صرف 50 روپے میں ایئرپورٹ تک جاسکتے ہیں.

شرجیل میمن نے مزید کہا کہ ایک ہی چارج سے 240 کلومیٹر کا فاصلہ طے کرنے کی صلاحیت رکھنے والی یورپی معیار کی یہ بسیں کسی قسم کی آلودگی کا باعث نہیں بنیں گی۔ جبکہ بس سروس ٹینک چوک جناح ایونیو سے ایئرپورٹ، شارع فیصل، ایف ٹی سی، کورنگی روڈ، خیابان اتحاد سے سی ویو کے کلاک ٹاور تک جائے گی۔

Another day, another step by #SindhGovt towards providing the best transport facility to its people. #Pakistan1stEVBus has started to operate on its first route in #Karachi. @BBhuttoZardari @sharjeelinam @SaeedGhani1 @SyedNasirHShah pic.twitter.com/ZYgFNIJ4N7

— Sindh Information Department (@sindhinfodepart) January 13, 2023

واضح رہے کہ دنیا بھر میں گزشتہ کئی سالوں سے بجلی سے چلنے والی گاڑیاں اور بسیں سڑکوں پر رواں دواں ہیں اور اب ایسی ہی بسیں کراچی کی سڑکوں پر بھی آپ کو دوڑتی نظر آئیں گی۔ اور ایسا پاکستان میں پہلی بار ہوا کہ سندھ حکومت نے بجلی سے چلنے والی یہ بسیں باہر سے منگوائیں ہیں جن میں 50 میں سے 10 بسیں کراچی پہنچ گئی اور انہیں چلایا بھی گیا تھا۔ علاوہ ازیں یہ بسیں مکمل طور پر ائیر کنڈیشنڈ ہیں اور ان میں 33 افراد کے بیٹھنے جبکہ 40 مزید افراد کی جو کھڑے ہوسکتے کی گنجائش موجود ہے۔
مزید یہ بھی پڑھیں؛
پاکستان کو بہتر معاشی پوزیشن پر دیکھنا چاہتے. امریکہ
نیوزی لینڈ کی وزیراعظم کا اقتدار چھوڑنے کا اعلان
بلوچستان میں زلزلہ کے جھٹکے
پاکستان کو درپیش چیلنج سے نکال کر اپنے پاﺅں پر کھڑا کریں گے۔ وزیر اعظم
قیادت کرنے سے ہی آتی ہے کوئی نیچرل یا پیدائشی کپتان نہیں ہوتا. وسیم اکرم
عدالت نے معروف قانون دان لطیف آفریدی کے قتل کے ملزم کا جسمانی ریمانڈ منظور کرلیا
مس ایل سلواڈور کی مقابلہ حسن میں بٹ کوائن والے لباس میں شرکت
حافظ نعیم الرحمٰن الیکشن کمیشن پر الزامات نہ لگائیں،صوبائی الیکشن کمشنر
الیکشن کمیشن نے (ق) لیگ کو معاملہ جلد دیکھنے کی یقین دہانی کرادی
عوام نے نام نہاد مقبول لیڈرز کا پول کھول دیا ہے. بلاول بھٹو زرداری