کراچی کے علاقے عید گاہ میں قبضہ مافیا سرگرم

0
25

² کراچی کے علاقے عید گاہ میں واقع ویرجی کمپاؤنڈ جمیلہ اسٹریٹ میں قبضہ مافیا سرگرم ہوگیا ۔کمپاؤنڈ کے اندر جگہ پر قبضہ کرکے غیر قانونی تعمیرات کا سلسلہ شروع کردیا گیا ۔اہل محلہ کی جانب سے اعتراض پر انہیں سنگین نتائج کی دھمکیاں دی جارہی ہیں ۔مکینوں نے ایس ایس پی سٹی اور دیگر متعلقہ حکام سے تحفظ فراہم کرنے کی اپیل کردی۔
تفصیلات کے مطابق عابد نامی شخص نے جمیلہ اسٹریٹ پر واقع RC-5-97,E7/P08ویرجی کمپاؤنڈ کے اندر جگہ پر قبضہ کرکے ناجائز تعمیرات کا سلسلہ شروع کردیا ہے ۔غیر قانونی عمارت پر دو چھتیں بھی مکمل ڈال دی گئی ہیں ۔اہل محلہ نے جب مذکورہ شخص کو غیر قانونی تعمیرات سے روکنے کی کوشش تو اس نے انہیں سنگین نتائج کی دھمکیاں دیں اور کہا کہ میرا کوئی کچھ نہیں بگاڑ سکتا ہے اور میرے تعلقات بہت اوپر تک ہیں ۔ غیر قانونی تعمیرات کی وجہ سے چادر اور چار دیواری کا تقدس بھی پامال ہورہا ہے جس کا کوئی پرسان حال نہیں ہے ۔ اس صورت حال کی وجہ سے ویر جی کمپاؤنڈ کے لوگوں میں انتہائی بے چینی پائی جاتی ہے اور کسی بھی وقت کوئی ناخوشگوار واقعہ پیش آسکتا ہے

Leave a reply