کراچی سمیت سندھ بھر میں مون سون کی تیز ہواؤں کے ساتھ موسلا دھار بارش سے نظام زندگی درہم برہم ہوگیا تھا جبکہ صوبے سمیت شہر قائد کے مختلف حصوں میں سیلابی صورتحال بھی پیدا ہوئی جس پر فنکاروں نے بھی کراچی کے ان حالات پر برہمی کا اظہار کیا-

باغی ٹی وی : گزشتہ روز ہونے والی بارشوں کے نتیجے میں 3 نوجوان جاں بحق ہوئے جبکہ شہر کے چھوٹے نالے ابل پڑے جبکہ ندیوں میں طغیانی کے باعث کا بارش کا پانی علاقوں میں داخل ہونے شہری چھتوں پر پناہ لینے یا نقل مکانی پر مجبور ہوئے۔

کراچی میں شادمان، لانڈھی، کورنگی، ملیر، ڈیفنس، عائشہ منزل، ناظم آباد، گلشن اقبال، لیاری سمیت متعدد علاقوں میں سڑکیں دریا کے مناظر پیش کرنے لگیں شاہراہ فیصل پر گاڑیاں اور موٹر سائیکلیں بند ہونے سے لوگ شدید اذیت کا شکار ہوئے۔

کئی علاقوں میں نالے اور گٹر ابل پڑے جبکہ ناگن، پی ای ایس ایچ، نرسری اور ملحقہ علاقوں میں نالے کا پانی گھروں میں داخل ہوگیا جس کے باعث مکینوں کا قیمتی سامان خراب ہوگیا جبکہ گلیوں اور سڑکوں پر کھڑی گاڑیاں بھی پانی میں ڈوب گئیں۔

شہر میں صدر اور ٹاور کے اطراف میں دفاتر اور دکانوں میں بھی پانی بھر گیا جبکہ سرجانی ٹاؤن، نارتھ کراچی اور ملحق علاقوں میں 3 سے 4 فٹ پانی کھڑا ہے، اسی طرح شدید بارش کے نتیجے میں ملیر ندی میں طغیانی کے باعث کورنگی کازوے بند ہوگیا۔

اس کے علاوہ کراچی کے بڑے ہسپتالوں آغا خان اور ضیاالدین (ناظم آباد) میں بھی بارش کا پانی داخل ہوگیا جس کی وجہ سے مریضوں اور ان کے تیمارداروں کو سخت مشکلات کا سامنا کرنا پڑا۔

طوفانی بارشوں سے پیدا ہونے والی صورتحال سے شہر بھر کے عوام مشکلات کا شکار ہیں جبکہ صوبائی حکومت کی جانب سے سندھ میں گزشتہ روز رین ایمرجنسی نافذ کردی تھی۔

جہاں عوام حکومت سندھ سے نالاں دکھائی دیتے ہیں وہیں شوبز شخصیات نے بھی بارش کے نتیجے میں کراچی ڈوبنے پر پریشان ہیں-

اداکارہ عائزہ خان نے اپنے ٹوئٹر اکاؤنٹ پر زیادہ بارشوں کے دوران پڑھی جانے والی دعائیں شیئر کرتے ہوئے لکھا کہ یا اللہ ہم پر رحم کر-

Ya ALLAH TU HUMPAR REHAM KAR! pic.twitter.com/ZDGZ4hvPrY

— Ayeza Khan (@Ayezakhan_ak) August 27, 2020

اداکارہ ارمینہ خان نے کراچی کی ویڈیوز میں حلات دیکھ کر افسوس کا اظہار کرتے ہوئے لکھا کہ کراچی سے موصول ہونے والی تصویریں اور ویڈیوز دیکھ کر دل ڈوب رہا ہے، کراچی کی صورتحال پریشان کُن ہے متعدد شہری اپنے گھروں اور سامان سے محروم ہوگئے ہیں، میں متاثرین کے غم میں برابر کی شریک ہوں-
https://twitter.com/ArmeenaRK/status/1298892483116642304?s=20
انہوں نے کراچی ولاوں کے محفوظ رہنے کی دعا بھی کی-

Halaat aisey hi rahey tu Khi army k nae Navy k hawaley karna parjayega !#KarachiSinks #KarachiRain #KarachiFlooded

— Muneeb Butt (@muneeb_butt9) August 25, 2020

اداکار منیب بٹ نے لکھا کہ اگر کراچی میں یہی صورتحال رہی تو شہر کو فوج کے نہیں بلکہ نیوی کے حوالے کرنا پڑے گا۔

1. ہمارے پاس شہر کا mandate ضرور ہے مگر اٹھارویں ترمیم کے بعد شہر کے انتظامات صوبائی حکومت کی ذمہ داری ہے۔

2. این ایف سی ایوارڈ میں صوبے کا جو حصہ مقرر ہے ہمیں وہ نہیں دیا جارہا اس لئے شہر میں کام کرنے سے قاصر ہیں۔

3. میرے پاس شہر کے گٹر کا ڈھکن بدلنے کا بھی اختیار نہیں۔

— Muneeb Butt (@muneeb_butt9) August 27, 2020

منیب بٹ نے اپنے ایک اور ٹویٹ میں حکومت پر تنقید کرتے ہوئے لکھا کہ 1. ہمارے پاس شہر کا mandate ضرور ہے مگر اٹھارویں ترمیم کے بعد شہر کے انتظامات صوبائی حکومت کی ذمہ داری ہے۔

2. این ایف سی ایوارڈ میں صوبے کا جو حصہ مقرر ہے ہمیں وہ نہیں دیا جارہا اس لئے شہر میں کام کرنے سے قاصر ہیں۔

3. میرے پاس شہر کے گٹر کا ڈھکن بدلنے کا بھی اختیار نہیں۔

Dear All, it is extreme rain today, the Hub Dam has already overflow.Take special care, don't take this rain as fun, Karachi is not capable to deal with it. Stay Indoors, Stay Safe, take care of all people around you ..ALLH pak sab ko apni amaan mey rakhay ameen

— Faysal Quraishi (@faysalquraishi) August 27, 2020

اداکار فیصل قریشی نے اپنے ٹوئٹ میں لکھا کہ کراچی میں مسلسل بارش ہورہی ہے حب ڈیم اوور فلو ہو چکا ہے اپنا خصوصی خیال رکیھں براہ مہربانی اس بارش کو مذاق نہ سمجھیں کراچی اس سے نمٹنے کے قابل نہیں ہے۔ گھر کے اندر ہی رہیں ، محفوظ رہیں ، اپنے آس پاس کے تمام لوگوں کا خیال رکھیں انہوں نے دعا کرتے ہوئے کہا کہ اللہ ہمیں اپنے حفظ و امان میں رکھے۔

ٹوئٹر پر اُشنا شاہ نے اپنے ٹویٹ میں لکھا کہ انہیں بچپن سے ہی بارش کی آواز سننا پسند تھا اور بارش کی آواز سے جاگنا ایک خوشی دیتا تھا کراچی مں مون سون گزارنے کے بعد اُن کے خیالات میں یکسر تبدیلی آگئی ہے بارش کے دوران کراچی جیسے بڑے شہر کے حالات دیکھ کر دل ڈوب جاتا ہے۔

Waking up to sound of rain would bring me joy but after staying in khi during monsoon season my heart sinks. May everyone stay safe, May their health and their properties be protected. Aameen.

— Ushna Shah (@ushnashah) August 27, 2020

اداکارہ نے اپنے ٹویٹ کے آخر میں کراچی والوں کے لیے دعا کرتے ہوئے لکھا کہ اللہ کرے سب کے جان و مال محفوظ رہیں آمین-

اس سے قبل سابق کرکٹر وسیم اکرم کی اہلیہ اور سماجی کارکن شنیرا اکرم اور اداکار و میزبا ن فخر عالم ، آر جے اور اداکار علی سفینہ ،اداکار یاسر حسین اور اداکار ڈاکٹر فید مرزا نے بھی کراچی کی حالت پر برہمی کا اظہار کیا تھا-