ابوظہبی :کراچی کنگز کی فتح، لاہور قلندرز اور کوئٹہ گلیڈی ایٹرز پی ایس ایل سے باہر،اطلاعات کے مطابق کراچی کنگز نے اپنے آخری گروپ میچ میں کوئٹہ گلیڈی ایٹرز کو 14 رنز سے شکست دے کر ایچ بی ایل پی ایس ایل 6 کے پلے آف مرحلے میں رسائی حاصل کرلی ہے. 13 گیندوں پر 45 رنز کی برق رفتار اننگز کھیلنے پر دانش عزیز کو پلیئر آف دی میچ قرار دیا گیا.
177 رنز کے تعاقب میں کوئٹہ گلیڈی ایٹرز کی ٹیم مقررہ 20 اوورز میں 6 وکٹوں کے نقصان پر 162 رنز ہی بناسکی.
😄#MatchDikhao l #HBLPSL6 I #QGvKK pic.twitter.com/a70zLedzo2
— PakistanSuperLeague (@thePSLt20) June 19, 2021
کپتان سرفراز احمد کے علاوہ کوئٹہ گلیڈی ایٹرز کا کوئی بھی بیٹسمین ہدف کے تعاقب میں زیادہ دیر کریز پر نہ ٹھہر سکا اور وقفے وقفے سے آؤٹ ہوکر پویلین واپس لوٹتا رہا.
33 گیندوں پر 51 رنز کی ناقابل شکست اننگز کھیلنے والے سرفراز احمد بھی اپنی ٹیم کو فتح دلانے میں ناکام رہے. ان کی اننگز میں 8 چوکے شامل تھے.
SHOT hai yaar! #MatchDikhao l #HBLPSL6 I #QGvKK pic.twitter.com/Ij2wxvRqkv
— PakistanSuperLeague (@thePSLt20) June 19, 2021
ویلڈر موتھ 8 رنز بنا کر ناٹ آؤٹ رہے.
کوئٹہ گلیڈی ایٹرز کے دیگر بلے بازوں میں جیک ویدر ویلڈ 25، صائم ایوب 19، عثمان خان 15، اعظم خان 15، حسان خان 24 اور عبدالناصر 0 رنز بنا کر آؤٹ ہوئے.
کراچی کنگز کے محمد الیاس نے 3 جبکہ ارشد اقبال نے 2 وکٹیں حاصل کیں.
اس سے قبل کراچی کنگز کے کپتان عماد وسیم نے ٹاس جیت کر پہلے بیٹنگ کا فیصلہ کیا. کراچی کنگز نے مقررہ 20 اوورز میں 7 وکٹوں کے نقصان پر 176 رنز بنائے۔
اوپنرز شرجیل خان اور بابر اعظم نے کراچی کنگز کو 71 رنز کا آغاز فراہم کیا. شرجیل خان نے 4 چھکوں اور 3 چوکوں کی بدولت 45 اور بابر اعظم نے 23 رنز بنائے.
BOOM! 🌋@SharjeelLeo14 explodes for consecutive sixes!#HBLPSL6 | #MatchDikhao | #QGvKK pic.twitter.com/YNpngWD7to
— PakistanSuperLeague (@thePSLt20) June 19, 2021
دونوں اوپنرز کو پویلین واپس بھجوانے پر کوئٹہ گلیڈی ایٹرز نے کراچی کنگز کے مڈل آرڈر بلے بازوں پر دباؤ بڑھا دیا. مارٹن گپٹل کو 5، نجیب اللہ زاردان 12 اور عماد وسیم کو 3 رنز پر آؤٹ ہوگئے.
کوئٹہ گلیڈی ایٹرز کے نوجوان اسپنر آرش علی خان نے نپی تلی باؤلنگ کرتے ہوئے 4 کھلاڑیوں کو پویلین کی راہ دکھائی.
A huge win for Karachi fans, who see their team make the playoffs while knocking out their arch-rivals Lahore! 🙌🏼
But it was another match to forget for @TeamQuetta #HBLPSL6 | #MatchDikhao | #QGvKK pic.twitter.com/yUKonA0iaL— PakistanSuperLeague (@thePSLt20) June 19, 2021
تاہم اننگز کے آخری لمحات میں دانش عزیز کی 13 گیندوں پر 5 چھکوں اور 2 چوکوں کی مدد سے 45 رنز کی دھواں دھار اننگز نے کراچی کنگز کا مجموعہ 170 کے پار پہنچا دیا. اس دوران چیڈوک والٹن نے ان کا بھرپور ساتھ دیا وہ 34 رنز بنا کر ناٹ آؤٹ رہے. محمد الیاس نے ایک رن اسکور کیا.
⬆️⬆️⬆️@SharjeelLeo14 sends one to the upper tier!#HBLPSL6 | #MatchDikhao | #QGvKK pic.twitter.com/kcXtv27FLd
— PakistanSuperLeague (@thePSLt20) June 19, 2021
آرش علی خان نے 28 رنز کے عوض 4 جبکہ خرم شہزاد اور عبدالناصر نے ایک ایک کھلاڑی کو آؤٹ کیا۔
میچ کے لیے دونوں ٹیمیں ان کھلاڑیوں پر مشتمل تھیں۔
کراچی کنگز: عماد وسیم (کپتان)، شرجیل خان، بابراعظم، مارٹن گپٹل، نجیب اللہ زدران، چیڈوک والٹن، نور احمد، دانش عزیز، محمد عامر، محمد الیاس اور ارشد اقبال۔
کوئٹہ گلیڈی ایٹرز: سرفراز احمد(کپتان)، جیک ویدرلڈ، صائم ایوب، عثمان خان، اعظم خان، عبدالناصر، حسان خان، عارش علی خان، جیل ولڈرمتھ، خرم شہزاد اور نسیم شاہ۔