کراچی کے سرکاری ہسپتال سے 33 سالہ نوجوان لاپتہ
کراچی کے سرکاری ہسپتال سے 33 سالہ نوجوان لاپتہ
باغی ٹی وی کی رپورٹ کے مطابق کراچی کے سرکاری ہسپتال سے نوجوان لاپتہ ہو گیا ورثا نے تلاش کے لئے پولیس سے رابطہ کر لیا
سول ہسپتال کراچی سے 14 فروری سے 33 سالہ نوجوان نظیر احمد پیارا لاپتہ ہوگئے ، نظیر احمد ہسپتال داخل ہوئے تھے اچانک باہر نکلے اور غائب ہوگئے،ورثا کے مطابق نظیر احمد کا دماغی توازن درست نہیں تھا اس لئے انہیں ہسپتال داخل کرایا گیا تھا ۔نظیر احمد کے اچانک لاپتہ ہونے سے ہسپتال عملہ اور ورثاء پریشان ہوگئے
ورثا کا کہنا ہے کہ ہم غریب ہیں بڑی مشکل سے نظیر احمد کو کراچی لائے اب انہیں کیسے ڈھونڈیں گے؟ میڈیا،ایدھی فاؤنڈیشن،کراچی پولیس ہمیں نظیر احمد کی تلاش میں مدد کریں،ہماری اتنی مالی استطاعت نہیں کہ نظیر احمد کو کراچی جیسے شہر میں تلاش کرسکیں،
پولیس نے واقعہ کا مقدمہ درج کر لیا ہے اور نوجوان کی تلاش کے لئے ٹیم تشکیل دے دی ہے.