کراچی پولیس کی بڑی کاروائی، اغواکاروں کو گرفتار کر کے مغوی بازیاب

0
28

کراچی پولیس کی بڑی کاروائی، اغواکاروں کو گرفتار کر کے مغوی کو بازیاب کروا لیا گیا۔

باغی ٹیوی کی رپورٹ کے مطابق ملزمان مورخہ 07 جولائی 2021 کو مخدوم شاہ کالونی سے دکان پر موجود شہری مقیم کو اسلحہ کے زور پر ویگو VIGO گاڑی میں اغواء کر کے فرار ہوئے اور مغوی کے بیٹے سے ذریعہ فون تاوان کا مطالبہ کیا۔

متاترہ شہری کے بیٹے احسن علی کی مدعیت میں مقدمہ الزام نمبر 656/2021 بجرم دفعہ 365A تھانہ پاکستان بازار میں درج ہے۔

ایس ایچ او پاکستان بازار نے انٹیلیجنس اطلاع اور CCTV فوٹیج کی مدد سے حکمت عملی کا مظاہراہ کرتے ہوئے کاروائی کر کے مغوی کو بازیاب کروایا اور اغواء کار ملزمان کو گرفتار کیا۔

واردات میں استعمال ہونے والی ویگو VIGO نمبری KW-1763 کو ضابطہ کے تحت قبضہ پولیس میں لیا گیا۔

گرفتار ملزمان اور مغوی کو مزید قانونی کاروائی کے لئے شعبہ تفتیش کے حوالے کر دیا گیا۔گرفتار ملزمان میں امتیاز علی عرف بٹ ولد محمد علی اور محمد نوشاد ولد راحت حسین شامل ہیں۔

Leave a reply