کراچی پولیس نے چھ ماہ میں کتنے خود کش حملے ناکام بنائے؟ اہم خبر

کراچی پولیس نے چھ ماہ میں 21 خود کش حملے ناکام بنائے، 605 تھریٹ موصول ہوئے

باغی ٹی وی کی رپورٹ کے مطابق کراچی پولیس نے سال کے ابتدائی چھ ماہ میں دہشت گردی کی بڑی کاروائیوں کو ناکام بنایا، چھ ماہ میں کراچی پولیس نے 21 خود کش حملے ناکام بنائے جبکہ 8 آئی ای ڈی بھی ناکارہ بنائیں،

کراچی پولیس کو چھ ماہ کے دوران 605 تھریٹ موصول ہوئے، دھمکیاں دینے والوں میں داعش اور القاعدہ برصغیر شامل ہیں، کراچی پولیس کو بھارتی ایجنسی را اور افغانستان کی ایجنسی این ڈی ایس کی جانب سے 7 بار دھمکیاں ملیں جبکہ بی ایل اے کی طرف سے بھی پانچ بار دھمکیاں ملیں جسے امریکہ نے کالعدم قرار دیا ہے.

کراچی پولیس کی ایک رپورٹ کے مطابق دہشت گردوں کا ٹارگٹ غیرملکی قونصل خانے، سیاسی شخصیات اور اقلیتی برادری تھی ،موثر حکمت عملی کے ذریعے دہشت گردوں کے تمام منصوبے ناکام ہوئے ،دھمکیاں دینے والے ملزمان کے خلاف کاروائی جاری ہے.