fbpx

مہنگائی سندھ میں بھی اورذمہ بھی صوبائی حکومت مگرکراچی میں احتجاج وفاقی حکومت کے خلاف

کراچی:مہنگائی سندھ میں بھی اورذمہ بھی صوبائی حکومت مگرکراچی میں احتجاج وفاقی حکومت کے خلاف ،اطلاعات کے مطابق مہنگائی کے خلاف اپوزیشن سڑکوں پر آگئی، کراچی میں پی ڈی ایم کی جانب سے پاور شو کا مظاہرہ کیا جا رہا ہے۔ فضل الرحمان کی قیادت میں ریگل صدر میں احتجاجی مظاہرہ کیا جائے گا۔ کارکنوں کی آمد جاری ہے۔

سربراہ پی ڈی ایم مولانا فضل الرحمان اور دیگر قائدین احتجاجی مظاہرے سے خطاب کرینگے۔ ن لیگ کے شاہ محمد شاہ، مفتاح اسماعیل، قومی وطن پارٹی کے سردار احمد خان بھی مظاہرے میں شریک ہونگے۔ پختونخواہ ملی عوامی پارٹی، بی این پی، جے یو پی اور دیگر جماعتوں کے رہنما بھی شرکت کریں گے۔

پی ڈی ایم پاکستان کے سربراہ مولانا فضل الرحمن گزشتہ روز کراچی پہنچے۔ ترجمان کے مطابق صدر ریگل چوک میں احتجاجی مظاہرے کے انتظامات کو حتمی شکل دے دی گئی ہے۔ فضل الرحمان کا کہنا تھا کہ عوام کے مفادات کے تحفظ کے لیے ہم نے میدان میں نکلنے کا فیصلہ کیا ہے۔

یاد رہے کہ سندھ میں بھی مہنگائی ہے اور اس مہنگائی کی ذمہ دار جہاں وفاقی حکومت ہے وہاں سندھ حکومت بھی ذمہ دار ہےاورزیادہ ترمسائل انتظامی نااہلی کی وجہ سے ہیں جس کا کریڈٹ سندھ حکومت کو جاتا ہے مگرآج کراچی میں پی ڈی ایم وفاقی حکومت کے خلاف احتجاج کررہی ہے

Facebook Notice for EU! You need to login to view and post FB Comments!