جامعہ کراچی: ایوننگ پروگرام میں داخلوں کے لئے تاریخ میں توسیع کردی

کراچی :علم کے حصول میں کوشاں ستاروں کے لیے خوشخبری ،جامعہ کراچی کے ایوننگ پروگرام میں داخلوں کے لئے فارم جمع کرانے کی تاریخ میں توسیع کردی گئی ہے۔انچارج ڈائریکٹر ایڈمیشنز جامعہ کراچی ڈاکٹر صائمہ اختر کے مطابق ایوننگ پروگرام میں ماسٹرزاور ڈپلومہ پروگرام (2019-20 ء) میں داخلوں کے لئے فارم جمع کرانے کی تاریخ میں 26 جولائی 2019 ء تک توسیع کردی گئی ہے۔

یاد رہے کہ جامعہ کراچی نے یہ سہولت دی ہے کہ خواہشمند طلبہ 26 جولائی2019 ء تک داخلہ فارم آن لائن جمع کراسکتے ہیں، طلبہ تمام معلومات بمعہ آن لائن داخلہ فارم اور پراسپیکٹس کے حصول کے لئے جامعہ کراچی کی وایب سائٹ پر رابطہ کرسکتے ہیں، جہاں تمام معلومات موجودہیں۔