کرک شہر کے نواحی تین بڑے دیہاتوں نے پولیو مہم کا بائیکاٹ کرتے ہوئے پولیو ٹیموں کو علاقہ بدر کردیا

0
28

کرک شہر کے نواحی تین بڑے دیہات کے عوام کا سہولیات کی عدم فراہمی کے خلاف احتجاجاً پولیو مہم کا بائیکاٹ کردیا اورپولیو ٹیموں کو علاقہ بدر کردیا-

باغی ٹی وی : کرک شہر کے نواح میں تین بڑے دیہات فقیر آباد،ممانی لواغر،سیف علی بانڈہ کے سینکڑوں افراد نے احتجاجی مظاہرہ کرتے ہوئے تین روزہ پولیو مہم کا بائیکاٹ کردیا اور علاقے سے پولیو ٹیموں کو واپس کردیا-

مظاہرین کا مطالبہ تھا کہ بجلی لوڈشیڈنگ شیڈول کے مطابق کی جائے سڑک کھنڈرات ہے فوری طور پر کام شروع کیا جائے جبکہ علاقے کے لئے گیس فراہم کی جائے سکولوں میں سٹاف کی کمی پوری کی جائے جبکہ بی ایچ یو کندو خیل کی عمارت بھوت بنگلے میں تبدیل ہے اس کی بلڈنگ تعمیر اور یہاں پر سٹاف مہیا کیا جائے –

لوگوں کا کہنا تھا کہ جب تک مطالبات پورے نہیں ہوتے ہمارا احتجاج جاری اور پولیو بائیکاٹ جاری رہے گا-

Leave a reply