کاروباری حضرات کے لیے جاز کیش کی نئی ایپ متعارف

کاروباری حضرات کے لیے جاز کیش کی نئی ایپ متعارف

باغی ٹی وی : کاروبار اور لین دین کے معاملے کو آسان اور موثر بنانے کے لیے جاز کیش نے نئی بزنس ایپ متعارف کرا دی ہے
کمپنی کا دعوی ٰ ہے کہ اس بزس ایپ سے کاروباری نظام کو بہتر طریقے اور آسانی پیدا کرنے میں مدد دے گی۔ اس ایپ کی مدد سے چھوٹے اور درمیانے درجے کے کاروبار (ایس ایم ایز) والے تاجر بینک اکائونٹ کھلوائے بغیر ہی ڈیجیٹل طریقے سے ادائیگی کر سکتے ہیں۔

Ab business chalana aur manage karna huwa asaan aur convenient. Aaj hi JazzCash Business App download karein aur apnay business ko next level per le jayein!

Visit to download the app: https://t.co/aIuy6q5zqQ#BusinessKaroBaithayBaithay pic.twitter.com/mnC5DRBUMM

— JazzCash (@JazzCash) May 3, 2021

اس وقت پاکستان میں لاکھوں ایس ایم ایز کام کر رہے ہیں جن میں سے چند ہزار ہی ڈیجیٹل ادائیگی کرتے ہیں باقی تقریباََ تمام کیش کے ذریعے لین دین پر انحصار کرتے ہیں۔یہ نیا پلیٹ فارم ڈیجیٹل ادائیگی کے نظام سے واقفیت نہ رکھنے والے چھوٹے و درمیانے درجے کے کاروباری طبقہ کے لیے تیار کیا گیا ہے کیونکہ جاز کیش بزنس ایپ خود کار طریقے سے تاجروں کی کارکردگی اور کاروباری سرگرمیوں کو بہتر بنانے میں مدد دیتی ہے۔ اس ایپ کی مدد سے کاروباری لین دین، تنخواہوں اور سامان کی خریداری کے لئے رقم کی ادائیگی کیو آر کوڈ کے ذریعے کی جا سکتی ہے۔

اس ایب کی خصوصیت بتاتے ہوئے کمپنی کا کہنا ہے کہ تاجر حضرات اپنے گاہکوں کو حسب ضرورت ڈیجیٹل رسید فراہم کرنے کیلئے کسی بھی وقت کیو آر کوڈ موقع پر ہی تیار کر سکتے ہیں۔ کاروباری حضرات اپنی چند ذاتی اور کاروباری معلومات دے کر کسی بھی جگہ سے تصویر اور شناختی کارڈ کی کاپی اَپ لوڈ کرکے اس ایپ میں خود کو بآسانی رجسٹرڈ کروانے کے اہل ہوں ہوں گے .