کرونا وائرس، شاہ سلمان کا چینی صدر سے رابطہ،کیا بڑا اعلان
باغی ٹی وی کی رپورٹ کے مطابق سعودی فرمانروا شاہ سلمان بن عبدالعزیز نے چین کے صدر سے رابطہ کیا ہے اور کرونا وائرس سے نمٹنے کے لئے امداد کی پیشکش کرتے ہوئے امدادی سامان بھجوانے کا اعلان کیا ہے، چینی صدر نے سعودی عرب کا شکریہ ادا کیا.
عرب میڈیا کے مطابق شاہ سلمان بن عبدالعزیز نے چینی صدر شی جن پنگ سے ٹیلی فونک رابطہ کیا اور انہیں اپنے بھرپور تعاون کی یقین دہانی کرائی۔ شاہ سلمان نے شی جن پنگ سے کہا کہ سعودی عرب کی قیادت اور عوام وائرس کی وبا سے ہونے والی تکالیف اور مشکلات پر چینی عوام کے ساتھ ہیں۔
سعودی فرمانروا نے کرونا وائرس سے ہلاک ہونے والوں کے اہل خانہ سے تعزیت کا اظہار کیا اور متاثرین کی صحت یابی کے لیے دعا بھی کی۔
شاہ سلمان کا کہنا تھا کہ ہمیں یقین ہے کہ چین کی حکومت کرونا وائرس سے نمٹنے میں کامیاب ہوجائے گی، انہوں نے شاہ سلمان مرکز برائے امداد و انسانی خدمات کو ہدایت کی کہ وہ ہنگامی بنیادوں پر امدادی سامان اور ادویات چین روانہ کریں تاکہ وائرس کی روک تھام سے ہونے والے نقصانات پر قابو پانے میں چین کو مدد مل سکے۔
چینی صدر نے سعودی فرمانروا کے جذبات کا خیرمقدم کرتے ہوئے انہیں یقین دلایا کہ اس قسم کی وبا سے نمٹنے اور قابو پانے کے حوالے سے چین کے پاس خاصا تجربہ ہے۔
واضح رہے کہ چین کے شہر ووہان سے پھیلنے والے مہلک وائرس نے دنیا کے 15 سے زائد ممالک کو اپنی لپیٹ میں لے لیا، دنیا بھر میں کرونا وائرس سے متعلق کیسز رپورٹ ہوئے جبکہ صرف چین میں ہی آج تک ہونے والی ہلاکتوں کی تعداد 563 تک پہنچ گئی۔
کرونا وائرس، چین میں ہلاکتوں میں اضافہ ،کتنے پاکستانی چین میں ہیں ؟ ترجمان دفتر خارجہ نے بتا دیا
کرونا وائرس پاکستان میں پھیلنے کا خدشہ، ملتان کے بعد لاہور میں بھی چینی باشندہ ہسپتال داخل
وفاقی دارالحکومت میں بھی کرونا وائرس کا مشتبہ کیس سامنے آ گیا
کرونا وائرس، بچاؤ کے لئے کیا کیا جائے؟ وفاقی کالجز کے پروفیسرزنے دی تجاویز
کرونا وائرس سے کتنے پاکستانی چین میں متاثر ہوئے؟ ترجمان دفتر خارجہ نے بتا دیا
کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات
کرونا وائرس لاہور میں پھیلنے کا خدشہ، انتظامیہ نے بڑا قدم اٹھا لیا
کرونا وائرس، چین سے طالب علم پاکستان پہنچا تو اسکے ساتھ کیا ہوا؟
کرونا وائرس، مائیں رو رہی ہیں ،حکومت سو رہی ہے، مشاہد اللہ خان کی سینیٹ میں کڑی تنقید
گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران
وزیراعظم عمران خان کے معاون خصوصی برائے صحت ڈاکٹر ظفر مرزا نے کہا ہے کہ کرونا وائرس جیسے 4وائرس پہلے سے موجود ہیں،کرونا وائرس کی مخصوص علامات نہیں،جس کے باعث تشخیص مشکل ہے،لیبارٹری میں جانچ پڑتال کے بغیر کرونا وائرس کی تشخیص نہیں کی جاسکتی،
ڈاکٹر ظفر مرزا نے مزید کہا کہ کروناوائرس سے چھاتی کاانفیکشن ہوتاہےجونمونیاکی شکل اختیارکرلیتاہے،کرونا وائرس ایک انسان سے دوسرےانسان میں منتقل ہوتا ہے،یہ بیماری جانوروں سے انسانوں میں منتقل ہوئی،ریسرچ کے مطابق کرونا وائرس کے3فیصدمریضوں کی اموات ہوتی ہیں،بیماری میں شدت ہے لیکن مرنے والوں کی شرح بہت کم ہے
