کرن جوہر نے کارتک کو دوستانہ 2 سے کیوں نکالا؟ اداکار نے خاموشی توڑ دی

0
30

کارتک آریان کا شمار اس وقت بالی وڈ‌ کے بہترین اداکاروں میں ہوتا ہے. اداکار ایک بڑی فین فالونگ رکھتے ہیں،ان کے مداح ان پر محبت کی بارش کرنے میں بالکل بھی کوئی کسر نہیں چھوڑتے. کارتک آریان سوشل میڈیا پر کافی متحرک رہتے ہیں اور اپنے مداحوں کو اپنے پراجیکٹس کے بارے میں آگاہی دیتے رہتے ہیں. حال ہی میں، کارتک اس وقت سرخیوں میں آئے جب انہیں کرن جوہر کی آنے والی فلم دوستانہ 2 سے اچانک ڈراپ کر دیا گیا۔ اس فلم سے نکالے جانے کے بعد ان پر نان پروفیشنل ہونے کا الزام لگایا گیا لیکن اب کارتک آریان نے اس فلم سے نکالے جانے کے حوالے سے خاموشی توڑ دی ہے. رجت شرما کے شو میں کارتک آریان سے جب سوال ہوا کہ آپ کو کرن جوہر کی فلم دوستانہ 2 سے کیوں نکالا گیا تو انہوں‌نے کہا کہ میری ماں نے مجھے سکھایا ہے کہ جب دو لوگوں کے درمیان جھگڑا ہو تو چھوٹے کو اس کے بارے میں کبھی نہیں بولنا چاہئے اور میں اس بات پر مکمل عمل کرتا ہوں اس لیے میں اس کے بارے میں کبھی بات نہیں کرتا۔ کارتک سے مزید سوال کیا گیا کہ ایسی خبریں تھیں کہ

آپ نے مزید پیسوں کا مطالبہ کیا لیکن کرن جوہر نے دینے سے انکار کر دیا بس اسی کے نتیجے میں کارتک فلم سے باہر ہوگئے. اس پر اداکار نے واضح کیا کہ میں نے پیسے کی وجہ سے کبھی فلم نہیں چھوڑی۔ میں بہت لالچی ہوں لیکن اسکرپٹ کے معاملے میں، پیسے کے معاملے میں نہیں۔ تاہم کارتک نے اصل وجہ بتاتے ہوئے کہا کہ اسکرپٹ میں تبدیلی فلم چھوڑنے کی بڑی وجہ رہی. کارتک نے کہا کہ لیکن اب میں اور کرن اچھے تعلقات میں ہیں انہوں‌نے مجھے شہزادہ کے لئے مبارکباد بھی دی.

Leave a reply