کشمیر پر مودی نے اے پی سی بلا لی
کشمیر پر مودی نے اے پی سی بلا لی
باغی ٹی وی کی رپورٹ کے مطابق مقبوضہ کشمیر کی صورتحال پر بھارتی وزیراعظم مودی نے آل پارٹیزکانفرنس بلا لی ہے
مقبوضہ کشمیر میں پھر نئی صورت حال مزید فوج بھیجنے کے بعد مودی نے آل پارٹیز کانفرنس طلب کر لی کانفرنس مقبوضہ ریاست کے بارے میں 24 جون کو ہوگی کئی سیاستدانوں کو دعوت نامے مل گئے
محبوبہ مفتی کو بھی نئی دہلی میں ہونے والی آل پارٹیزکانفرنس کا دعوت نامہ بھیج دیاگیا سابق وزیراعلیٰ محبوبہ مفتی نے مودی کا دعوت نامہ ملنے کی تصدیق کردی ،محبوبہ مفتی کا کہنا ہے کہ دعوت نامہ مل گیا ہے اس پر مشاورت ہوگی،
دوسری جانب پیپلز ڈیمو کریٹک پارٹی کے سینئر رہنما اور پارٹی صدر محبوبہ مفتی کے ماما سرتاج مدنی کو پولیس نے رہا کر دیا ہے،خبر رساں ادارے کے مطابق مدنی کو آج رہا کیا گیاہے اور ایسے وقت میں رہا کیا گیا ہے جب مودی سرکار کی جانب سے محبوبہ مفتی کو دعوت نامہ بھجوایا گیا ہے
قبل ازیں بھارت کے غیر قانونی زیر قبضہ جموں و کشمیر میں پیپلز ڈیموکریٹک پارٹی کی صدر محبوبہ مفتی نے مقبوضہ وادی میں بھارتی فوج کی جانب سے انسانی حقوق کی سنگین خلاف ورزیوں کو روکنے کے لئے اقوام متحدہ سے مداخلت کرنے کا مطالبہ کیا ہے۔