کشمیر دلائل سے نہیں غوری میزائل سے آزاد ہوگا، ڈاکٹر محمد اشرف آصف جلالی

کشمیر دلائل سے نہیں غوری میزائل سے آزاد ہوگا، ڈاکٹر محمد اشرف آصف جلالی
تحریک لبیک یارسول اللہ صلی اللہ علیک وسلم کے سربراہ اور تحریک صراط مستقیم کے بانی ڈاکٹر محمد اشرف آصف جلالی نے کہابھارت کی ہٹ دھرمی سے واضح ہوچکا ہے کہ کشمیر دلائل سے نہیں غوری میزائل سے آزاد ہوگا۔ بھارت اصولوں کے نہیں بارود کے گولوں کی بات مانتا ہے۔ یوم تکبیر کے موقع پر کشمیر سے غلامی کی زنجیر توڑنے کا دھماکہ کردیاجائے۔بھارت کے جنگی جنون کے علاج کا یہ وقت بہترین ہے۔ چین کی افواج کے سامنے زیر ہونے و الی بھارتی فوج ہماری بہادر افواج کی تو ایک للکار سے ڈھیر ہوجائے گی۔

مقبوضہ کشمیر میں بھارت کے آتش ظلم نے سب کچھ جلا کہ راکھ کرد یا ہے۔ کرونا کے باوجود کی بربریت میں کوئی کمی نہیں آئی۔ روزانہ کشمیری اپنے شہداء کے ساتھ عہد وفا کرتے ہوئے آگے بڑھ رہے ہیں۔ کشمیری آزادی کی صبح کے لیے کئی برہان وانی اور ریاض نائیکو نچھاور کر رہے ہیں۔ بھارت کے مظالم کو لگام دینے کی طاقت نہ اقوام متحدہ میں ہے نہ کوئی اورفورم کردار ادا کرنے کو تیار ہے بھارت پاکستان کی صلح وامن پالیسی کوصرف کمزوری سمجھ رہا ہے۔ بھارت کو سبق سکھانے میں تاخیر کا نقصان دن بدن بڑھتا جارہا ہے۔ایل۔او۔ سی۔ کی روزانہ خلاف ورزیوں پر دنتد خارج کے احتجاج پر کب تک رونا رویاجائے گا؟۔ بھارت کا علاج پاک فوج  ہی کر سکتی ہے۔

جواب چھوڑیں

آپ کا ای میل ایڈریس شائع نہیں کیا جائے گا.