سیزفائر کے باوجود پاکستان اور آزاد کشمیر کے علاقوں میں دھماکوں کی آوازیں

پاکستان اور بھارت کے درمیان سیزفائر کے باوجود پاکستان آزاد کشمیر کے مختلف علاقوں میں دھماکوں کی آوازیں سنی گئی ہیں۔

ذرائع کے مطابق، بہاولپور میں بھی دھماکوں کی آوازیں سنائی دی گئی ہیں تاہم ان واقعات کا بھارت کے ساتھ کشیدگی سے کوئی تعلق ہے یا نہیں، یہ فی الحال واضح نہیں ہو سکا تاہم حکام نے تاحال ان کی نوعیت یا مقام کے بارے میں کوئی تفصیل فراہم نہیں کی۔یہ تمام واقعات ایسے وقت میں پیش آئے ہیں جب امریکہ کی ثالثی سے پاکستان اور بھارت نے چار روزہ کشیدگی کے بعد سیزفائر پر اتفاق کیا تھا۔ دونوں ممالک کی افواج نے پاکستانی وقت کے مطابق شام ساڑھے چار بجے، جبکہ بھارتی وقت کے مطابق پانچ بجے جنگ بندی کا فیصلہ کیا۔

سیزفائر کے چند گھنٹے بعد، امریکی خبر رساں ادارے سی این این نے آزاد کشمیر کے علاقے بھمبر میں درجنوں دھماکوں کی اطلاع دی۔ مقامی حکام کے مطابق، یہ حملے بھارت کی جانب سے لائن آف کنٹرول کے پار سے کیے گئے۔

آپریشن بنیان مرصوص کی کامیابی،عوام کی افواج سے یکجہتی، مٹھائیاں‌تقسیم