کشمیر میں بھارت کی دراندازی دہشت گردی ہے، جمعیت علماء اسلام

0
26

ڈسکہ(باغی ٹی وی)ڈسکہ کشمیری مجاہدین کی جدوجہد کو سلا م پیش کرتے ہین کشمیر میں بھارت کی دراندازی دہشت گردی ہے۔ مسئلہ کشمیر کو تیمور کی طرز پر حل کرنا لازم ہے ہندوستان نے وادی میں خون سستا اور پانی مہنگا کر دیا ہے۔ پانچ فروری کو یکجہتئ کشمیر کے لیے پاکستانی قوم سڑکوں پر ہوگی۔ آزادی کشمیر کے واسطے یواین۔ سلامتی کونسل۔ اور او آئی سی کو اپنا اپنا کردار ادا کرنا ہوگا۔

ان خیالات کا اظہار جمعیت علماء اسلام کے صوبائی سیکرٹری جنرل صاحبزادہ مولانا محمد ایوب خان نے آج ڈسکہ میں آل پارٹیز یکجہتی کشمیر سیمینار کے صدارتی خطبہ میں کیا مزید سیمینار سے جماعت اسلامی کے سٹی صدر ڈاکٹر کا شان حیدر نے کہا ہے ہم آزادی کشمیر تک مجاہدین کی ہر سطح پر حمایت کریں گے ۔مسلم لیگ ن کے رہنما محمد افضل منشا نے کہا ہے کہ کشمیر کے تصفیہ کے لئے لئے ہم سب کو مل کر جدوجہد کرنی ہوگی

پی ٹی آئی کے سٹی رہنما رانا ضرار احمد خان نے کہا ہے تحریک آزادی کشمیر کے واسطے تمام وسائل براے کار لاتے جائیں گے کشمیریوں کو کسی موقع پر تنہا نہیں رہنے دیں گے سیمینار سے خطاب کرتے ہوئے جماعت اہلسنت کے رہنما صاحبزادہ حافظ احسن رضا نے کہا ہے کہ آزادی کشمیر اتحاد اور یگانگت کے اندر چھپی ہوئی ہے۔ پی ٹی ایم کے رہنما مولانا قاضی اعظم نے کہا ہے کہ کشمیر کی آزادی کی راہ میں روکاوٹ اپنی کمزوریاں ہیں

سیمینار سے خطاب کرتے ہوئے انجمن تاجران کے رہنما رانا سعید نے کہا ہے کہ ڈسکہ کی عوام ہمیشہ کشمیری عوام کی حمایت کرتی رہے گی سیمینارسے جمعیت طلباء اسلام اسلام اور وکلاء تنظیموں کے رہنما جناب ظفر اقبال باجوہ مولانا ارشد محمود خان۔ صاحبزادہ حامد خان۔ مولانا طیب خان اللہ حافظ محمد اسحاق صاحب اور ظفر ڈار نے خطاب کیا آخر میں اظہار یکجہتی کے لیے ہاتھوں میں ہاتھ دیکھ کر کشمیر کی آزادی کے لیے نعرے بلند کئے گئے

Leave a reply