ورلڈ ہیڈر ایڈ

مقبوضہ کشمیر، پہلگام میں ریفٹنگ کشتی الٹنے سے 2 جاں بحق، 6 زخمی ہو گئے

مقبوضہ کشمیر میں جنوبی کشمیر کے سیاحتی مقام پہلگام میں منگل کو دریائے لدر میں ایک ریفٹنگ کشتی ڈوبنے سے دو افراد جاں بحق اورچھ زخمی ہوگئے ہیں ۔

باغی ٹی وی کی رپورٹ کے مطابق ریفٹنگ کشتی میں آٹھ افراد سوار تھے. کشتی دریائے لدر کی تیز لہروں کو برداشت نہ کرتے ہوئے اچانک اُلٹ گئی۔ اس حادثے کے فوراً بعد امدادی کارروائیاں شروع کی گئں‌ تاہم دو افراد کو نہیں بچایا جاسکا اور وہ پانی کی تیز لہروں میں اپنی جانیں گنوا بیٹھے۔ جاں بحق افراد کی شناخت سیاحتی محکمہ کے ایک ملازم رینکو راجہ پنڈتا اور ایک خاتون سنجانا جموں کے طور ہوئی ہے۔ دونوں کو ہسپتال پہنچایا گیا لیکن بلاک میڈیکل آفیسر سلر ڈاکٹر شکیل احمد کا کہنا تھا کہ انہیں مردہ حالت میں ہسپتال پہنچایا گیا تھا۔

رپورٹ کے مطابق یہ بھی کہا کہ زخمیوں میں ایک کو سرینگر منتقل کیا گیا ہے جبکہ باقی ماندہ پانچ زخمیوں کا علاج وہیں کیا جارہا تھا۔ واضح رہے کہ دریائے لدر میں پہلے بھی ایسے واقعات پیش آتے رہتے ہیں‌ اور کئی مرتبہ سیاحوں‌ کو نقصان پہنچا ہے. پہلگام جنوبی کشمیر کا بہت خوبصورت سیاحتی مقام ہے اور یہاں‌ سیاحوں‌کی آنے والی بڑی تعداد دریائے لدر میں کشتی پر بھی سوار ہونے کا شوق رکھتی ہے.

جواب چھوڑیں

آپ کا ای میل ایڈریس شائع نہیں کیا جائے گا.