مقبوضہ کشمیر میں قابض‌ انتظامیہ نے کرفیو کے بعد رات کی تاریکی میں ایک اور مذموم قدم اٹھا لیا، اہم خبر

مقبوضہ کشمیر میں بھارتی فوج کی طرف سے کرفیو نافذ کئے جانے کے بعد قابض انتظامیہ نے موبائل اور انٹرنیٹ سروس بھی مکمل طور پر بند کر دی ہے تاکہ سوشل میڈیا کے ذریعہ بھارتی مظالم دنیا تک نہ پہنچ سکیں،

باغی ٹی وی کی رپورٹ کے مطابق کشمیر میں کام کرنے والی موبائل کمپنیوں کی جانب سے صارفین کو پیغام دیا گیا ہے کہ فی الحال موبائل اور انٹرنیٹ سروس معطل کی جارہی ہے جب تک اگلا حکم نہیں آجاتا موبائل اور انٹرنیٹ سروس بند رہے گی، بھارتی حکومت کی طرف سے موبائل سروس بند کرنے کے حوالہ سے بھی یہ پروپیگنڈہ کیا جارہا ہے کہ چونکہ ہندوستانی ایجنسیوں‌ کو یہ اطلاعات موصول ہوئی ہیں کہ کشمیر میں مجاہدین کی جانب سے بڑے حملوں کا خدشہ ہے اس لئے احتیاط کے طور پر یہ اقدام اٹھایا گیا ہے،

مقامی کشمیریوں نے اس اقدام کی شدید مذمت کی ہے اور کہا ہے کہ بھارتی حکومت اور فوج چاہتی ہے کہ کشمیر میں ڈھائے جانے والے مظالم سوشل میڈیا کے ذریعہ دنیا تک نہ پہنچ سکیں اس لئے یہ مذموم حرکت کی گئی ہے، واضح رہے کہ چند گھنٹے قبل بھارتی فوج نے پورے کشمیر میں کرفیو بھی لگا دیا ہے،

جواب چھوڑیں

آپ کا ای میل ایڈریس شائع نہیں کیا جائے گا.