مقبوضہ کشمیر، قابض انتظامیہ کی پولیس کو مساجد کی فہرستیں مرتب کرنے کی ہدایت

مقبوضہ کشمیر میں قابض انتظامیہ نے پولیس کا ہدایات جاری کی ہیں کہ وہ تمام مساجد کی فہرستیں مرتب کرے اور اسے ریاستی انتظامیہ کے پاس جمع کروائے،

باغی ٹی وی کی رپورٹ کے مطابق قابض انتظامیہ نے سری نگر کے پانچ زونوں کے پولیس سپرنٹنڈٹ حضرات کو ہدایات جاری کی ہیں کہ وہ اپنے اپنے علاقوں میں موجود مساجد کی فہرست تیار کرکے اُسے اعلیٰ حکام کو سونپ دیں۔

اس سلسلے میں سینئر سپر نٹنڈنٹ آف پولیس، سری نگر کی طرف سے سبھی زونل ایس پیز کے نام ایک آرڈر میں کہا گیا ہے کہ وہ اپنے اپنے علاقوں میں موجود مساجد اور اُن کے منتظمین کی فہرست تیار کریں تاکہ اُسے اعلیٰ حکام کو سونپ دیا جائے”۔

مقبوضہ کشمیر میں ریاستی انتظامیہ کی جانب سے جاری کردہ مذکورہ آرڈر سوشل میڈیا پر بھی وائرل ہوا ہے جس کی وجہ سے اُن افواہوں کو تقویت ملی ہے جو ریاست کی خصو صی پوزیشن کو ختم کرنے کے سلسلے میں گشت کررہی ہیں، واضح رہے کہ بھارتی فوج نے کشمیر میں ان دنوں قتل و غارت گری میں تیزی پیدا کر رکھی ہے،

جواب چھوڑیں

آپ کا ای میل ایڈریس شائع نہیں کیا جائے گا.