کشمیر میں سوشل میڈیا کا ہتھیار کے طورپرپاکستان کر رہا ہے استعمال،بھارتی آرمی چیف کی دہائی

بھارت کے آرمی چیف جنرل بپن روات نے پاکستان کے خلاف ہرزہ سرائی کرتے ہوئے کہا کہ پاکستان اب سوشل میڈیا کے ذریعے کشمیر میں تحریک چلا رہا ہے. پاکستان نے کشمیر میں سوشل میڈیا کو ہتھیار کے طور پر استعمال کرنا شروع کر دیا ہے

باغی ٹی وی کی رپورٹ کے مطابق بھارتی آرمی چیف نے کشمیر کے حالات پر گفتگو کرتے ہوئے پاکستان کے خلاف ہرزہ سرائی کی اور کہا کہ پاکستان مقبوضہ کشمیر میں سوشل میڈیا کے ذریعے تحریک چلا رہا ہے. بھارتی فوج نے مقبوضہ کشمیر میں عسکریت پسندوں کے ساتھ آپریشن شروع کیا اس کے بعد پاکستان نے سوشل میڈیا کا استعمال کرنا شروع کردیا.

بھارتی آرمی چیف نے پاکستان کے خلاف بات کرتے ہوئے کہا کہ پاکستان گزشتہ 30 برس سے کشمیر میں درپردہ جنگ لڑ رہا ہے جس کی وجہ سے ہمیں مشکلات ہیں، پاکستان اب سوشل میڈیا کے ذریعے کشمیری جوانوں کو بھارت کے خلاف نکلنے کی ترغیب دے رہا ہے ،

بھارتی آرمی چیف کا مزید کہنا تھا کہ پاکستان کے ساتھ امن مذاکرات کا فیصلہ سیاسی قیادت کا ہو گا، فوج سیاسی عمل میں مداخلت نہیں کرتی.