پشاور (باغی ٹی وی) قیوم سپورٹس کمپلیکس میں منعقدہ یوم یکجہتی کشمیر باسکٹ بال سیریز کا فائنل ضلع خیبر نے پشاور فرینڈز کو 70-65 سے شکست دے کر جیت لیا۔
ایڈیشنل سیکرٹری اسپورٹس پیر عبدﷲ شاہ مہمانِ خصوصی تھے، جنہوں نے کھلاڑیوں میں انعامات تقسیم کیے۔ اس موقع پر اسسٹنٹ ڈائریکٹر اسپورٹس راہد گل ملاگوری، ڈسٹرکٹ اسپورٹس آفیسر خیبر اعوان حسین سمیت دیگر اہم شخصیات موجود تھیں۔
تین میچوں پر مشتمل سیریز میں خیبر نے دو ایک سے کامیابی حاصل کی۔ پہلے میچ میں خیبر، دوسرے میں پشاور فاتح رہا، جبکہ فائنل خیبر کے نام رہا۔ افتتاح ایڈیشنل ڈپٹی کمشنر (فنانس) خیبر گل نواز آفریدی نے کیا۔
پیر عبدﷲ شاہ نے کھلاڑیوں سے خطاب میں کہا کہ پاکستان ہر فورم پر کشمیری بھائیوں کے حق خودارادیت کی حمایت جاری رکھے گا۔ انہوں نے اسپورٹس کے فروغ اور کھلاڑیوں کو مزید سہولیات فراہم کرنے کے عزم کا بھی اظہار کیا۔
