اسلام آباد ملین مارچ کی تیاریاں مکمل, ڈی سی اسلام آباد نے اہل اسلام آباد کے نام پیغام جاری کردیا

اسلام آباد :تاریخی ملین مارچ کی تیاریاں مکمل کرلی گئیں .دنیا کا طویل ترین پانچ کلومیٹر لمبا پرچم لہرایا جائے گا، جس کا وزن 80 من، چوڑائی 12 میٹر ہوگی،ملین مارچ کو پانچ حصوں میں تقسیم کررہے ہیں، جناح ایوینیو پر ڈی چوک سے ایف 8 کے اشارے تک مارچ پھیلے گا۔ جموں کشمیر سالیڈیرٹی موومنٹ کے بینر تلے پہلا سٹیج خواتین کا ہوگا، دوسرا سٹیج چیمبر آف کامرس، بلیو ایریا، مزدور یونینز کا ہوگا، تیسرا سٹیج اساتذہ، طلبہ کا ہوگا، چوتھاا سٹیج کشمیری لیڈر شپ کا ہوگا، پانچواں اور آخری سٹیج کشمیر یوتھ الائنس،سول سوسائٹی،اقلیتی برادری کا ہوگا،اس کے علاوہ پورے جلسہ گاہ کو پاکستان اور کشمیری پرچموں سے مزین کردیا گیا ہے. باغی ٹی وی کو موصول اطلاعات کے مطابق وفاقی وزیر محمد علی خان, چئیرمین کشمیر کمیٹی فخر امام سٹیج نمبر 5 اور معاون خصوصی اطلاعات فردوس عاشق اعوان خطاب کریں گی. دوسری طرف ڈپٹی کمشنر اسلام آباد حمزہ شفقات نے اہل اسلام آباد سے طویل ترین پرچم لہرانے کے پروگرام میں شریک ہونے کی درخواست کی ہے.