16 اکتوبر کو کشمیر یوتھ الائنس کی سید علی گیلانی اور ڈاکٹر اے کیو خان کو خراج تحسین پیش کرنے کے لیے آل پارٹیز کانفرنس ہوگی

0
23

اسلام آباد :کشمیر یوتھ الائنس اسلام آباد ریجن کا محسن پاکستان ڈاکٹر عبدالقدیر خان اور تحریک آزادی کشمیر کے سالار اعلیٰ سید علی گیلانی کو خراج تحسین پیش کرنے کے لیے آل پارٹیز کانفرنس کروانے کا اعلان, کشمیر یوتھ الائنس کے صدر مجاہد گیلانی کی صدارت میں اسلام آباد ریجن کے اجلاس سے گفتگو کرتے ہوئے ڈاکٹر مجاہد گیلانی نے کہا کہ محسن پاکستان ڈاکٹر عبدالقدیر خان اور تحریک آزادی کشمیر کے سالار اعلیٰ سید علی گیلانی کو قوم کبھی نہیں بھول پائے گی, 16 اکتوبر کو کشمیر یوتھ الائنس کی سربراہی میں اپنے ان محسنوں کی یاد میں نیشنل پریس کلب میں دوپہر دو بجے آل پارٹیز کانفرنس کا انعقاد کیا جارہا ہے جس میں اسلام آباد بھر کی یوتھ تنظیموں کے ذمہ داران شریک ہوں گے, اجلاس میں سیکرٹری جنرل کشمیر یوتھ الائنس رضی طاہر, صدر اسلام آباد زون ڈاکٹر عامر زادہ, جنرل سیکرٹری اسلام آباد آصف سیف, سیکرٹری کوآرڈینیشن خنیس الرحمان اور ڈپٹی جنرل سیکرٹری سید عمر ہمدانی شامل تھے.اجلاس کے بعد کشمیر یوتھ الائنس کے وفد نے محسن پاکستان ڈاکٹر عبدالقدیر خان کی قبر پر حاضری دی اور ان کے اعلیٰ درجات کے لئے دعا کی.

Leave a reply