fbpx

کشمیریوں کوان کا حق خودارادیت دلوا کر رہیں گے،علی امین گنڈا پور

وفاقی وزیر برائے امور کشمیر و گلگت بلتستان علی امین گنڈا پور نے کہا ہے کہ پاکستان کا بچہ بچہ کشمیریوں کے ساتھ ہے، کشمیریوں کوان کا حق خوداردیت دلوا کر رہیں گے،

باغی ٹی وی کی رپورٹ کے مطابق علی امین گنڈا پور کا کہنا تھا کہ آخری سانس تک کشمیریوں کاساتھ دیں گے ،فاشسٹ مودی کشمیریوں کےعزم کوشکست نہیں دے سکتا،مقبوضہ کشمیرکودنیا کی سب سے بڑی جیل بنا دیا گیا ہے ،مقبوضہ کشمیر میں مکمل بلیک آؤٹ ہے،

کشمیری تنہا نہیں، آج پاکستانی قوم عظیم الشان یکجہتی کرے گی

علی امین گنڈا پور کا مزید کہنا تھا کہ مسئلہ کشمیرکے حل پرروزانہ کی بنیاد پرپیشرفت ہورہی ہے،بین الاقوامی میڈیا مقبوضہ کشمیرمیں حالات کی سنگینی کی عکاسی کررہاہے،مقبوضہ کشمیر کی آزادی کا دن قریب آ چکا ہے ،

 

وزیراعظم عمران خان کی اپیل پر پوری قوم آج جمعہ کو مقبوضہ جموں کشمیر کے مظلوم عوام کے ساتھ یکجہتی کا اظہارکرے گی

باغی ٹی وی کی رپورٹ کے مطابق وزیراعظم عمران خان نے قوم پر زور دیا ہے کہ وہ کشمیری عوام سے بھرپور اظہار یکجہتی کےلئے نصف گھنٹہ کے لئے سب کام چھوڑ کر باہر نکلیں اور کشمیریوں کو واضح پیغام دیں کہ پاکستانی قوم بھارت کے جبر و فسطائیت، مودی حکومت کے نسل کشی کے ایجنڈا اور خطہ کی حیثیت تبدیل کرنے کے غیر قانونی اقدام کے خلاف کشمیری بھائیوں کے ساتھ کھڑی ہے۔

بھارتی فوج کی بربریت، کشمیری نوجوان شہید،25 روز سے کرفیو،کشمیری گھروں میں محصور

کشمیری عوام سے یوم یکجہتی کے حوالے سے جاری پروگرام کے مطابق آج جمعہ کو یکجہتی آور 12 بجے سے شروع ہو کر ساڑھے 12 بجے تک جاری رہے گا، جس کے آغاز پر ملک بھر میں سائرن بجائے جائیں گے۔ پاکستان اورکشمیر کا ترانہ بجایا جائے گا۔ ترانے بجانے کے دوران 12 بجے سے 12 بج کر 5 منٹ تک تمام ٹریفک رک جائے گی، ٹرینیں ایک منٹ کے لئے کھڑی کی جائیں گی،

کشمیریوں سے بھرپور اظہار یکجہتی کریں گے ، کشمیریوں کو تنہا نہیں چھوڑیں گے ، صحافتی تنظیموں کا اعلان