کترینہ کیف نے عمران خان کومارے 20 تھپڑ

katrina

بالی ووڈ کی معروف اداکارہ کترینہ کیف نے اپنی فلم ’میرے برادر کی دلہن‘ کی شوٹنگ کے دوران ایک دلچسپ واقعہ شیئر کیا، جس میں انہوں نے اپنے ساتھی اداکار عمران خان کو حقیقت میں 20 تھپڑ مارے۔ یہ دلچسپ انکشاف کترینہ کیف نے بھارتی میڈیا کو اپنے ایک انٹرویو کے دوران کیا۔

کترینہ کیف نے بتایا کہ ’میرے برادر کی دلہن‘ کے ایک سین کی شوٹنگ کے دوران انہیں عمران خان کو تھپڑ مارنا تھا۔ تاہم، جب شوٹنگ شروع کی گئی، تو سین جاندار اور حقیقت کے قریب نہیں لگ رہا تھا، جس پر کترینہ کیف مایوس ہوگئی تھیں۔اداکارہ نے اس موقع پر بتایا کہ عمران خان نے انہیں تجویز دی کہ وہ تھپڑ مارنے کی اداکاری کرنے کی بجائے حقیقت میں تھپڑ ماریں، تاکہ سین زیادہ حقیقی اور موثر لگے۔ اس تجویز پر عمل کرتے ہوئے، کترینہ کیف نے شوٹنگ کے دوران تقریباً 15 سے 16 بار عمران خان کو تھپڑ مارے۔

کترینہ کیف نے مزید کہا کہ اتنی بار تھپڑ کھانے کے بعد عمران خان نے ان سے درخواست کی کہ اب مزید تھپڑ نہ ماریں، کیونکہ وہ اور تھپڑ برداشت نہیں کر پاتے تھے۔ تاہم، اس تمام محنت کے باوجود، آخرکار انہیں خوشی ہوئی کہ نتیجہ بہت اچھا نکلا۔یہ سین اتنا کامیاب ثابت ہوا کہ فلم کی کامیابی میں اہم کردار ادا کیا۔ واضح رہے کہ ’میرے برادر کی دلہن‘ ایک رومانٹک کامیڈی فلم تھی، جو 2011 میں ریلیز ہوئی تھی۔ اس فلم میں عمران خان، کترینہ کیف اور علی ظفر مرکزی کرداروں میں نظر آئے تھے۔

پی ایس ایل ڈرافٹ میں شامل کیے جانے پر احمد شہزاد بورڈ پر برس پڑے

پیٹرولیم مصنوعات کی قیمتوں میں اضافے کا امکان

Comments are closed.