fbpx

کترینہ کیف اور وکی کوشل دسمبر میں رشتہ ازدواج میں منسلک ہوں گے

بالی ووڈ اداکارہ کترینہ کیف اور اداکار وِکی کوشل کی شادی کی خبریں بھارتی میڈیا پر گردش میں ہیں-

باغی ٹی وی : بھارتی خبر رساں ادارے ہندوستان ٹائمز نے ای ٹائمز کے ذرائع سے بتایا کہ دونوں اداکار دسمبر میں شادی کرلیں گے جبکہ کترینہ کیف اپنی شادی پر معروف ڈیزائنر سبھیاساچی کا جوڑا پہنیں گی –

بھارتی میڈیا کے ذرائع کا دعویٰ ہے کہ کترینہ آج کل اپنے شادی کے جوڑے کے کپڑے کا انتخاب کرنے میں مصروف ہیں اداکارہ نے را سِلک کا کپڑا منتخب کرلیا ہے جس کا لہنگا بنے گا تاہم وِکی کوشل اور کترینہ کیف کی جانب سے اپنی شادی کی حالیہ خبروں سے متعلق کوئی بیان سامنے نہیں آیا ہے۔

دوسری جانب کچھ بھارتی میڈیا رپورٹس نے اِن خبروں کی تردید کرتے ہوئے کہا ہےکہ وکی اور کترینہ کی شادی کی خبروں میں کوئی صداقت نہیں۔

صلاح الدین ایوبی کی زندگی پر سیریز،وزیراعظم نے فلمسازوں سے ملاقات میں اہم ہدایات…

خیال رہے کہ گزشتہ چند ماہ سے کترینہ کیف اور وِکی کوشل سے متعلق خبریں زیرگردش تھیں کہ دونوں اداکار ایک دوسرے کو ڈیٹ کررہے ہیں اور جلد شادی بھی کرلیں گے –

تاہم کچھ دِن قبل وِکی سے جب میڈیا نے شادی کے حوالے سے سوال کیا تو انہوں نے بڑی خوبصورتی سے یہ کہہ کہ سوال ٹال دیا کہ جب شادی ہوگی تو پتہ چل جائے گا تاہم انہوں نے کترینہ سے رشتے پر کسی قسم کا کوئی تبصرہ پیش کرنے سے گریز کیا تھا۔

عدنان صدیقی ٹوئٹر پر کیوں برس پڑے؟