fbpx

کچھ تو شرم کرو، نواز الدین صدیقی بالی ووڈ فنکاروں کے بیرون ملک ٹورز پر طیش میں آگئے

بالی ووڈ اداکار نواز الدین صدیقی بھارت میں کورونا کی بدترین صورتحال کے دوران اداکاروں کے بیرون ملک ٹور پر طیش میں آگئے-

باغی ٹی وی : بھارتی میڈیا کے مطابق ایک انٹرویو میں اداکار کا کہنا تھا کہ بالی ووڈ شخصیات ایسے وقت میں اپنی چھٹیوں کی تصاویر پوسٹ کررہے ہیں جب دنیا سب سے زیادہ کساد بازاری سے گزر رہی ہے، لوگوں کے پاس کھانا نہیں ہے اور آپ پیسے پھینک رہے ہو، کچھ تو شرم کرو۔

نواز الدین صدیقی کا مزید کہنا تھا کہ میرے خیال سے چھٹیوں پر جانا اتنا غلط نہیں ہے جتنا اس کا دکھاوا کرنا ہے ان لوگوں نے مالدیپ کو تماشا بنا رکھا ہے۔ مجھے نہیں پتا کہ ٹورازم انڈسٹری کے کیا انتظامات ہیں لیکن انسانیت کے ناطے اپنی چھٹیاں اپنے تک رکھیں کیونکہ یہاں جگہ جگہ دکھ ہے اور کورونا سے صورتحال بدتر ہورہی ہے۔

واضح رہے کہ بھارت میں کورونا کی تیسری لہر کی ہلاکت خیزی جاری ہے اور کیسز میں ریکارڈ اضافہ ہورہا ہے۔

اس صورتحال کے دوران بالی ووڈ اداکار رنبیر کپور، ٹائیگر شروف، عالیہ بھٹ اور دیشا پٹانی سمیت دیگر نے ملک چھوڑ دیا تھا اور تعطیلات گزارنے کیلئے مالدیپ پہنچے تھے جبکہ دو روز قبل شاہ رخ خان کی اہلیہ گوری خان اور بیٹے آریان بھی امریکا روانہ ہوئے تھے جس پر سوشل میڈیا صارفین نے شدید ردعمل کا اظہار کیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.