کرونا وائرس، اسلام آباد ،پنڈی میں مکمل لاک ڈاؤن کا امکان

باغی ٹی وی کی رپورٹ کے مطابق کرونا وائرس کے پھیلاؤ کو روکنے کے لئے جڑواں شہروں کو مکمل لاک ڈاؤن کیا جا سکتا ہے

انتہائی باوثوق حکومتی ذرائع سے خبر ملی ہے کہ اسلام آباد اور راولپنڈی کرونا وائرس کے پھیلاو کے خدشے کے پیش نظر کسی بھی وقت سیل/مکمل طور پر لاک ڈاون کئے سکتے ہیں- اور اعلان جلد متوقع ہے تمام لوگ اپنی نقل و حرکت اسی حساب سے پلان کریں.

اسلام آباد میں‌کرونا وائرس کے 25 کیسز سامنے آ چکے ہیں، بارہ کہو کی ایک یونین کونسل کو گزشتہ روز سیل کیا گیا تھا، آج بھی اسلام آباد می‌ں تبلیغی اجتماع سے واپس آنے والے ایک شخص میں کرونا کی تشخیص ہوئی ہے، راولپنڈی میں بھی کرونا سے ایک ہلاکت ہو چکی ہے

اسلام آباد میں جزوی لاک‌ ڈاؤن تو کیا گیا ہے تا ہم جڑواں شہروں میں شہری گھروں میں نہیں رہ رہے، حکومتی احکامات پر عمل نہ کرنے اور کرونا کے مزید پھیلاؤ کو روکنے کے لئے جڑواں شہروں کو کسی بھی وقت سیل کیے جانے کا امکان ہے، اس دوران دونوں شہروں میں آمدورفت مکمل طور پر بند ہو گی.

فیض آباد کے مقام پر پولیس اور پاک فوج کی بھاری نفری تعینات ہے، اسلام آباد کی مارکیٹس بند ہیں،تعلیمی ادارے بھی بند ہیں. فیض آباد میں تمام لاری اڈے ، ہوٹلز بند کروا دیئے گئے ہیں جس کی وجہ سے تمام سرگرمیاں ٹھپ ہو چکی ہیں،غیر متعلقہ افراد کو فوری فیض آباد کے علاقےسے باہر نکلنے کا حکم دے دیا گیا ہے

جواب چھوڑیں

آپ کا ای میل ایڈریس شائع نہیں کیا جائے گا.