سیالکوٹ(باغی ٹی وی ،سٹی رپورٹرمدثر رتو) وفاقی وزیر دفاع کا گردوارہ بابے دی بیر صاحب کا دورہ، سکھ یاتریوں کو مبارکباد
سیالکوٹ میں وفاقی وزیر دفاع خواجہ محمد آصف نے گردوارہ بابے دی بیر صاحب کا دورہ کیا اور بابا گرو نانک کے 555 ویں جنم دن کے موقع پر سکھ یاتریوں کو مبارکباد پیش کی۔
وزیر دفاع کو کینیڈا سے آئے سردار جسبیر سنگھ بوپارائے اور سیوا دار سردار جسکرن سنگھ سدھو نے خوش آمدید کہا اور سنگت کی جانب سے سووینیر پیش کیا۔ اس موقع پر خواجہ آصف نے حکومت پاکستان اور پنجاب حکومت کی جانب سے سکھ یاتریوں کے لیے کیے گئے بہترین انتظامات کو سراہا۔
تقریب میں موجود سکھ برادری نے بابا گرو نانک کے جنم دن پر مذہبی رواداری کے فروغ اور بین المذاہب ہم آہنگی کے لیے کیے گئے اقدامات کو سراہا۔ خواجہ آصف نے یاتریوں کے لیے مزید سہولیات کی فراہمی اور ملک میں امن و امان کی فضا کو برقرار رکھنے کے عزم کا اظہار کیا۔
