کمشنر گوجرانولہ کا گجرات کے رمضان بازاروں کا دورہ، عوام کو مصنوعی مہنگائی سے بچانے کی ہدایت

گجرات (نمائیندہ باغی ٹی وی)کمشنر گجرانوالہ ڈویژن وقاص علی محمود نے کہاہے کہ رمضان بازاروں کے ذریعے شہریوں کو زیادہ سے زیادہ ریلیف کی فراہمی کو یقینی بنایا جائے ،رمضان بازاروں کے لئے کیے جانے والے انتظامات میں کوئی کسر نہ چھوڑی جائے تاکہ عوام کو مصنوعی مہنگائی کے اثرات سے محفوظ رکھا جاسکے اور وہ رمضان المبارک کے دوران حکومت کی طرف سے پیش کی جانے والی اربوں روپے کی سبسڈی سے بھر پور طور پر مستفید ہو سکیں، تمام رمضان بازاروں میں رکھی جانے والی روز مرہ استعمال کی اشیائے ضروریہ کی کوالٹی کے بارے میں شہریوں کی طرف سے شکایا ت ناقابل برداشت ہوںگی۔ کمشنر گوجرانوالہ ڈویژن نے ڈپٹی کمشنر گجرات کو ہدایت کی کہ وہ مصنوعی مہنگائی ، ملاوٹ ، ذخیرہ اندوزی اوراشیائے ضروریہ کی کوالٹی کے بارے میں عوامی شکایات کے فوری ازالے کےلئے رمضان بازاروںکی نہ صرف خودلگاتار کڑی مانیٹرنگ کریں بلکہ تمام متعلقہ افسران کی ٹیم کو اس سلسلے میںخصو صی ہدایات جاری کریں ۔ کمشنر گجرات نے یہ بات گزشتہ روز دورہ گجرات کے موقع پر کہی ۔

جواب چھوڑیں

آپ کا ای میل ایڈریس شائع نہیں کیا جائے گا.