گجرات میں کسان کارڈ کے لئے 70 ہزار رجسٹریشن ہو چکی ہے۔ ڈپٹی کمشنر

گجرات (نمائندہ باغی ٹی وی)ڈپٹی کمشنر ڈاکٹر خرم شہزاد نے کہا ہے کہ ضلع گجرات میں کسان کارڈ کیلئے ابتک70ہزار905کسانوں کی رجسٹریشن کی جاچکی ہے، بیماریوں سے بچانے کیلئے 16لاکھ سے زائد چھوٹے بڑے جانوروں کی ویکسینیشن کر دی گئی، کھاد کی زائد قیمت وصول کرنیوالے 99ڈیلرز پر جرمانہ عائد کر دیا گیا ہے، ان خیالات کا اظہار انہوں نے زرعی ایڈوائزری کمیٹی کے اجلاس سے خطاب کرتے ہوئے کیا، ڈپٹی ڈائریکٹر زراعت توسیع ڈاکٹر عرفان اللہ وڑائچ نے بریفنگ دی، لائیو سٹاک، واٹر مینجمنٹ سمیت مختلف محکموں کے افسران اور کسانوں کے نمائندے بھی موجود تھے۔ ڈپٹی کمشنر ڈاکٹر خرم شہزاد بتایا کہ تحصیل گجرات میں 62، تحصیل کھاریاں میں 30اور تحصیل سرائے عالمگیر میں 7کھاد ڈیلرز پر مقررہ نرخوں سے زائد قیمت وصو ل کرنے پر جرمانے عائد کئے گئے ہیں اسی طرح جعلی کھاد فروخت کرنیوالے 2افراد کے خلاف مقدمات بھی درج کرائے گئے ہیں۔ انہوں نے بتایا کہ رواں مالی سال کے دوران مختلف موضعات میں زرعی زمین کے11586نمونہ جات تجزیہ کیلئے لیبارٹری بھجوائے گئے ہیں، 141 فارمرز ٹریننگ پروگرامز کا انعقاد کیا گیا جہاں زرعی ماہرین نے کسانوں کو بہتر پیداوار کے حصول کیلئے جدید طریقہ ہائے کاشت اور ٹیکنالوجی سے آگاہ کیا۔ انہوں نے بتایا کہ ضلع میں کچن گارڈننگ کے فروغ کیلئے عملی اقدامات اٹھاتے ہوئے ابتک 1000 افراد کو سبزیوں کے بیچ فراہم کئے گئے ہیں۔ ڈپٹی کمشنر ڈاکٹر خرم شہزاد نے کہا کہ مون سون کے دوران ممکنہ سیلاب کی زد میں آنیوالے علاقہ جات میں لائیو سٹاک کو حفاظتی ٹیکہ جات لگائے جاچکے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.