خیبر پختونخواہ میں کل سرکاری سطح پرعید منائی جائے گی، فیصلہ وزیر اعلیٰ خیبر پی کے نے کیا، صوبائی وزیر اطلاعات

خیبر پختونخواہ حکومت نے کل سرکاری سطح‌پر عیدالفطر منانے کا اعلان کر دیا ہے اور کہا ہے کہ صوبےکےعوام کیساتھ اظہارِ یکجہتی کیلئے کل عید منائی جائے گی.

باغی ٹی وی کی رپورٹ کے مطابق خیبر پی کے، کے وزیر اطلاعات شوکت یوسف زئی نے کہا ہے کہ عیدمنانےکافیصلہ وزیراعلیٰ کے پی محمودخان نے کیا ہے. ان کا کہنا تھا کہ صوبےبھرسےشہادتیں موصول ہونےکےفیصلےکےتناظر میں اعلان کیا ہے. گورنرکے پی شاہ فرمان، وزیر اعلیٰ محمود خان کل گورنر ہاؤس میں نمازِعید ادا کرین گے.

واضح رہے کہ اس سے قبل مسجد قاسم خاں کمیٹی نے کل عید منانے کا اعلان کیا تھا اور مفتی شہاب الدین پوپلزئی کی جانب سے اعلان کیا گیا تھا کہ پشاور سے ایک سو شہادتیں‌ موصول ہوئی ہیں جس کے بعد عید منانے کا فیصلہ کیا گیا ہے.