خادم رضوی کی نماز جنازہ:مینار پاکستان گراونڈ میں کس گیٹ سے ہو گی انٹری؟

لاہور:خادم رضوی کی نماز جنازہ:مینار پاکستان گراونڈ میں کس گیٹ سے ہو گی انٹری؟اطلاعات کے علامہ خادم حسین رضوی کی نمازجنازہ کی ادائیگی کے حوالےسے لاہورانتظامیہ نے بھی اپنے انتظامات سے آگاہ کردیا ہے

سربراہ تحریک لبیک علامہ خادم حسین رضوی کی نماز جنازہ کل صبح 10 بجے مینار پاکستان (گریٹر اقبال پارک) گراؤنڈ میں ادا کی جائے گی۔

ذرائع کے مطابق پی ایچ اے نے انتظامات کو حتمی شکل دے دی گئی۔پارک میں پی ایچ اے کی جانب سے وضو کے انتظامات کئے جائیں گے، اس سلسلے میں واسا سے واٹر باؤئزر مانگ لئے گئے ہیں۔ جنازے میں شرکت کرنے والے شرکا گیٹ نمبر 1 اور 5 سے داخل ہو سکیں گے۔

خادم حسین رضوی کی میت کو ان کے گھر سے ایمبولینس میں سبزہ زار کرکٹ گراؤنڈ لایا جائے گا، پولیس ذرائع کے مطابق سبزہ زار سے خادم حسین رضوی کی میت کو سرکاری ہیلی کاپٹر میں مینار پاکستان گراؤنڈ میں لے جایا جائے گا۔ ذرائع نے بتایا کہ تدفین کے متعلق تاحال فیصلہ نہیں ہو سکا۔ مولانا خادم حسین رضوی کی تدفین لاہور میں کرنے پر بھی غور کیا جارہا ہے۔

پولیس نے نماز جنازہ کے موقع پر سکیورٹی پلان تشکیل دے دیا ہے۔ گریٹر اقبال پارک کے پانچوں گیٹ پر بھاری نفری تعینات کی جائے گی، امن و امان کی صورتحال کو قابو میں رکھنے کے لیے 50 ریزرویں تعینات کی جائیں گی۔ نماز جنازہ کے موقع پر ایلیٹ فورس کے کمانڈوز کے علاوہ اینٹی رائٹ فورس اور سٹی ٹریفک پولیس کے اہلکار بھی تعینات ہونگے۔

تمام پولیس اہلکاروں کو ہفتہ صبح 7 بجے ڈیوٹی پوائنٹ پر تعینات کیا جائے گا۔ شہر میں ٹریفک اور امن و امان کے انتظامات کو بہتر رکھنے کے لیے میت کو ہیلی کاپٹر پر لے جانے کا پلان بنایا گیا۔ دوسری جانب ٹریفک پولیس کی جانب سے چوک یتیم خانہ سے سکیم موڑ تک ٹریفک کو متبادل راستے فراہم کردیئے گئے ہیں۔

ادھر ذرائع کے مطابق اسکیم موڑ سے چوک یتیم خانہ چوک تک خصوصی انتظامات کئے گئے ہیں،رانگ پارکنگ کے خاتمے اور معظم ٹریفک کیلئے 04 لفٹرز، 02 بریک ڈاؤنز تعینات کیئے جائیں گے ، لاہورانتظامیہ کے مطابق یتیم خانہ چوک، اسکیم مور چوک،گندا نالہ سمن آباد اور کھاڑک نالہ ملتان روڈ سے ڈائیورشنز کروائی لگائی گئیں ہیں

سی ٹی او لاہور سید حماد عابد کہتے ہیں کہ ٹریفک کو متبادل راستوں پر ڈائیورٹ کروایا جارہا ہے،مین ملتان روڈ ٹھوکر نیاز بیگ سے آنے والی ٹریفک سبزہ زار چوک براستہ لیاقت چوک،بند روڈ جا سکے گی،

مین ملتان روڈ چوبرجی سے آنے والی ٹریفک سمن آباد چوک سے گلشن راوی ڈبل سڑکاں بجھوائی جارہی ہے،چوک سیکم موڑ تا یتیم خانہ چوک دونوں اطراف سے بند ہے،