خادم رضوی وضاحت کریں ورنہ…سینیٹر ساجد میر نے بڑا اعلان کر دیا

خادم رضوی وضاحت کریں ورنہ…سینیٹر ساجد میر نے بڑا اعلان کر دیا

باغی ٹی وی کی رپورٹ کے مطابق مرکزی جمعیت اہل حدیث پاکستان کے سربراہ سینیٹر پروفیسر ساجد میر نے کہا ہے کہ شعائر اسلام کی توہین کی کسی کو اجازت نہیں دی جاسکتی، خادم رضوی اپنی ویڈیو کی وضاحت کریں ورنہ ہم قانونی راستہ اختیار کریں گے۔

سینیٹر ساجد میر کا کہنا تھا کہ ہم امن کے داعی ہیں، اشتعال انگیزی اور مذہبی منافرت ملک کے لیے زہر قاتل ہے۔ مذہبی راہنماؤں کو غیر شائستہ اور بازاری زبان زیب نہیں دیتی۔آذان کی بے ادبی اور بے حرمتی کرکے خادم رضوی نے ہر مسلمان کا دل دکھایا ہے۔مخالفت میں اخلاقی حدود کو پامال کرناکہاں کی دین داری ہے؟

جامعہ ابراہیمیہ میں جمعہ کے اجتماع سے خطاب کرتے ہوئے پروفیسر ساجد میر کا کہنا تھا کہ مذہبی راہنماؤں کو تبلیغ دین کے اصول نہیں بھولنے چاہییں۔ قرآن اور سیرت کی بنیادی تعلیمات سے مکمل انحراف کی بناء پر ہم انتہا پسندی اور عدم برداشت کا شکار ہوئے ہیں۔ اسلام کو قرآن اور سیرت کی روشنی میں سمجھنے کی ضرورت ہے قرآن ترجمے سے پڑھ کر اور سیرت کا مطالعہ کرکے ہی ہم اسلام کے حقیقی پیغام کو سمجھ سکتے ہیں اور اس پر عمل کرکے اپنے سماج کو امن اور سلامتی کا گہوارہ بنا سکتے ہیں۔

سینیٹر ساجد میر کا مزید کہنا تھا کہ قرآن ہی ہمارا محور و مرکز اور ہدایت کا بنیادی سورس ہونا چاہیے ماور ائے قرآن رویے اور نظریے