fbpx

خلیل الرحمٰن قمر کے ساتھ شادی کی خبروں پر بہت ڈر گئی تھی ایشل فیاض

پاکستانی فلم ’کاف کنگنا‘ کی اداکارہ ایشل فیاض نے معروف رائٹر اور ہدایت کار خلیل الرحمٰن قمر کے ساتھ شادی کی خبروں پر وضاحت دیتے ہوئے کہا کہ اللہ جانتا ہے کہ میری اور خلیل الرحمٰن کی شادی کی افواہیں کس نے پھیلائیں مجھے اس بارے میں کوئی علم نہیں۔

باغی ٹی وی : اداکارہ ایشل فیاض نے حال ہی میں ندا یاسر کے شو ’شان سحور‘ میں بطور مہمان شریک ہوئیں جہاں میزبان نے ان سے ان کی اور خلیل الرحمٰن قمر کی شادی سے متعلق پھیلی قیاس آرائیوں کے بارے میں پوچھا –

اداکارہ ایشل نے جواب دیا اللہ جانتا ہے کہ میری اور خلیل الرحمٰن کی شادی کی افواہیں کس نے پھیلائیں مجھے اس بارے میں کوئی علم نہیں۔

ایشل نے کہا جب میری اور خلیل الرحمٰن کی شادی کی افواہیں پھیلیں تو میں ڈر گئی تھی اور میں اپنے کمرے میں اکیلے بیٹھ کر رو رہی تھی لیکن مجھے میری والدہ نے سمجھایا ڈر کے بیٹھنے سے کچھ نہیں ہوگا لوگوں کے سامنے جاؤ اور وضاحت دو جس کے بعد میں نے انٹرویو میں ان تمام افواہوں کو جھوٹا قرار دیا۔

اداکارہ ایشل نے کہا خلیل الرحمٰن قمر میری فیملی کی طرح ہیں اور ان کی اہلیہ بہت غصے والی ہیں جب میری اور خلیل صاحب کی شادی کی افواہیں پھیلیں تو ان کی بیوی نے بہت سارے بلاگرز کو یہ جھوٹی افواہیں پھیلانے کے لیے ڈانٹا تھا۔

ایشل فیاض نے جھوٹی افواہیں پھیلنے کا ذمہ دار سوشل میڈیا کو قرار دیتے ہوئے کہا پہلے زندگی بہت آسان تھی لیکن سوشل میڈیا کے فعال ہونے کے بعد لوگ منفی ہوگئے ہیں اور دوسروں کو پریشان کرتے ہیں۔

جبکہ ایشل کے ساتھ شریک مہمان اداکارہ نازش جہانگیر نے کہا کہ سوشل میڈیا انسانوں کو ذہنی ٹارچر کرتا ہے۔

ایشل فیاض نے شو کے دوران اپنے اگلے پراجیکٹ کے بارے میں بتاتے ہوئے کہا میں اپنی اگلی فلم ’’میں ہوں تیری گلناز‘‘ میں کام کررہی ہوں اور یہ فلم بھی خلیل الرحمٰن قمر کی ہی ہے۔

واضح رہے کہ تقریباً ایک سال قبل اداکارہ ایشل فیاض اور خلیل الرحمٰن قمر کی شادی کی افواہیں سوشل میڈیا پر پھیلی تھیں بعد میں دونوں کی جانب سے ان افواہوں کی تردید کردی گئی تھی۔

جواب چھوڑیں

آپ کا ای میل ایڈریس شائع نہیں کیا جائے گا.