عمران خان پرتنقید:خلیل الرحمان قمرکامداحوں کیلئےاہم پیغام،کپتان میری بھی امید ہے،پاکستانیوں یہ آخری امید ہے،جواپنی جان سے بھی عزیز ہے

لاہور:عمران خان پرتنقید:خلیل الرحمان قمرکا مداحوں کیلئے اہم پیغام،کپتان میری بھی امید ہے،پاکستانیوں یہ آخری امید ہے،جواپنی جان سے بھی عزیز ہے ،اطلاعات کے مطابق پاکستان شو بز انڈسٹری کے معروف ڈرامہ نگارخلیل الرحمان قمر پیٹرولیم مصنوعات کی قیمتوں میں اضافہ ہونے پر وزیراعظم عمران خان پر پھٹ پڑے اور ٹویٹر پر متعدد ٹوئٹس کیں۔

سیاستدانوں میں وہ مائی کا لال پیدا ہی نہیں ہوتا جو حکومت بچانے کی بجائے غریب کیساتھ کھڑا ہو جائے
تم نے ثابت کیا ہے عمران خان تم ایک بزدل حکمران اور ہم ایک بدقسمت قوم ہیں

— Khalil Ur Rehman Qamar (@KrqOfficial) June 26, 2020

تفصیلات کے مطابق معروف ڈرامہ نگارخلیل الرحمان قمر بھی پیٹرولیم مصنوعات کی قیمتوں میں اضافہ ہونے پر میدان میں آگئے اور وزیراعظم عمران خان کو آڑے ہاتھوں لیتے ہوئے ٹویٹر پر کئی ٹوئٹس کیں،ٹویٹر پر ٹویٹ کرتے ہوئے کہا کہ سیاستدانوں میں وہ مائی کا لال پیدا ہی نہیں ہوتا جو حکومت بچانے کے بجائے غریب کے ساتھ کھڑا ہوجائے، تم نے ثابت کیا ہے عمران خان تم ایک بزدل حکمران اور ہم ایک بدقسمت قوم ہیں۔

ایک اور ٹویٹ میں کہناتھا کہ اگر آج آپ پیٹرول مافیا سے خوفزدہ ہو کر چار دن پہلے قیمتیں بڑھا دیتے ہو تو یاد رکھنا عمران خان آ پ ہر مافیا کے سامنے سر جھکاؤ گے اب چھ میل دوڑنے کا کوئی فائدہ نہیں تم ہانپنے لگے ہو۔پیٹرول مہنگا کر کے آپ خود سستے ہو گئے ہو عمران خان صاحب!

اگر آج آپ پیٹرول مافیا سے خوفزدہ ہو کر چار دن پہلے قیمتیں بڑھا دیتے ہو تو یاد رکھنا عمران خان
آ پ ہر مافیا کے سامنے سر جھکاؤ گے
اب چھ میل دوڑنے کا کوئ فائدہ نہیں تم ہانپنے لگے ہو

— Khalil Ur Rehman Qamar (@KrqOfficial) June 26, 2020

ڈرامہ نگارخلیل الرحمان کے ان ٹویٹس پر حکمران جماعت کے کارکنان نے ان پر شدید غصے کا اظہار کیا، جس کے جواب میں ان کا کہناتھا کہ میری اپنے تما م مداحوں سے درخواست ہے کہ کوئی ناسمجھ اگر مجھے برا بھلا بھی کہے تو ماں بہن کی گالیاں مت دیجئے۔

میری اپنے فینز سے درخواست ہے کہ کوئی ناسمجھ اگر مجھے برا بھلا بھی کہے تو ماں بہن کی گالی مت دیجیے
عمران خان میری بھی امید ہے
میں ڈر رہا ہوں کہ امید ٹوٹ رہی ہے

— Khalil Ur Rehman Qamar (@KrqOfficial) June 27, 2020

خلیل الرحمان کا مزید کہناتھا کہ عمران خان میری بھی امید ہے ، میں ڈر رہاہوں کہ امید ٹوٹ رہی ہے۔

واضح رہے کہ پیٹرولیم مصنوعات کی قیمتوں میں کمی سے شہر میں قلت برقرار رہی مگر جیسی ہی قیمت میں اضافہ ہوا، پیٹرول میں دستیاب ہوگیا،قیمت میں اضافے کے باعث پیٹرول کی25 روپےاضافہ کے ساتھ 101 روپے میں ملا رہا ہے،سوشل میڈیا پر سیاسی جماعتوں سے تعلق رکھنے والےسپورٹرز پی ٹی آئی کے سپورٹرز کو برابھلا کہہ رہے ہیں۔